Arwerneg-Vihan

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Arwerneg-Vihan (ez-ofisiel e galleg Petit-Auverné) a zo ur gumun eus Breizh, e Liger-Atlantel, e gevred ar vro.

Arwerneg-Vihan
Ar maerdi.
Bro istorel	Bro-Naoned
Melestradurezh
Departamant	Liger-Atlantel
Arondisamant	Kastell-Briant-Ankiniz
Kanton	Sant-Juluan-Gouwent betek 2015, Kastell-Briant abaoe 2015
Kod kumun	44121
Kod post	44670
Maer Amzer gefridi	Michelle Cochet 2014-2020
Etrekumuniezh	Kumuniezh kumunioù Kastell-Briant - Derwal
Lec'hienn web	www.petit-auverne.fr
Poblañsouriezh
Poblañs	427 ann. (2020)
Stankter	19 ann./km²
Douaroniezh
Daveennoù lec'hiañ	47° 36′ 39″ Norzh 1° 17′ 21″ Kornôg
Uhelderioù	kreiz-kêr : 52 m bihanañ 37 m — brasañ 81 m
Gorread	22,53 km²
Arwerneg-Vihan

Douaroniezh

• 

• War lez ar stêr Don emañ Arwerneg-Vihan.

Anv

• Erwan Vallerie ː Alverniacum, 1135

Gerdarzh

• vernos = gwern

Ardamezioù

• "en gul e gebrenn en erminoù" (diwar ardamezioù familh la Rivière de la Pilousière ha de la Provosté)

Istor

Dispac'h Gall

• Krouet e voe kumunioù Arwerneg-Vihan hag Arwerneg-Veur e 1793 diwar ul lodenn eus tiriad kumun Arwerneg. Lakaet e voe Arwerneg-Vihan e Kanton Sant-Juluan-Gouwent hag e Bann Kastell-Briant. E 1800 e voe lakaet Arwerneg-Vihan en Arondisamant Kastell-Briant.

XIX^vet kantved

Aljeria

• Mervel a reas ur gwaz e 1871 hervez marilhoù ar gumun.

Brezel 1870-1871

• Mervel a reas dek gwaz hervez marilhoù ar gumun.

XX^vet kantved

Brezel-bed kentañ

• Mervel a reas 30 gwaz ag ar gumun abalamour d'ar brezel, da lavaret eo 3,44 % eus he foblañs e 1911.
• An tri breur Beaudoin, Jean, Joseph ha Pierre, a varvas e 1914 abalamour d'ar brezel.

Eil brezel-bed

• Mervel a reas tri den ag ar gumun abalamour d'ar brezel.
• Tri ostaj (Jules Auffret, Marc Bourhis ha Guy Môquet) diwar ar 27 gouestlad bet fuzuilhet gant an Alamaned e Kastell-Briant d'an 22 a viz Here 1941 a voe douaret e bered ar gumun e-pad ur prantadig.

XXI^vet kantved

• Lakaet e voe ar gumun e Kanton Kastell-Briant pa voe diskaret Kanton Sant-Juluan-Gouwent e 2014.

Monumantoù ha traoù heverk

• 
  Chapeneille.
• 
  Moulin-Violette.
• 
  Moulin-Violette.
• 
  Moulin-Violette.

• Peulvanoù.

• 
  La Renaudière.

• Maner La Renaudière.
• Maner La Salmonaie.
• Maner La Rivière, XIXvet kantved,luc’hskeudenn.
• Maner La Heurtebise.

• 

• Iliz katolik Sant Sulpicius, 1845-1850, luc’hskeudennoù.
• Monumant ar re varv, dirak an iliz katolik, luc'hskeudennoù.
• Monumant ar re fuzuilhet e Kastell-Briant, luc'hskeudenn.

Emdroadur ar boblañs abaoe 1962

Niver a annezidi

Tud

• Maner La Renaudière a voe perc'henniezh ar re Louvigneg ha goude ar re Trébuchet. Jean-François Trébuchet a voe ganet en ti-annez-mañ e 1731 hag e verc'h Sophie Trébuchet, mamm Victor Hugo, a voe o chom eno ingal a-raok dimezhiñ e 1797. Ar maner a zeuio da vezañ ur presbital e 1831.

Ardamezeg ar familhoù

	Bagatz. Aotrounez la Salmonaye	En argant e lammell en gul
	Bagatz. Aotrounez la Salmonaye Neuz all	En glazur hadet gant kanochennoù en argant, e sourin en erminoù

Pennadoù kar

• Arwerneg.
• Arwerneg-Veur.

Lervlennadur

• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Erwan Vallerie : Diazezoù studi istorel an anvioù-parrez. Corpus. An Here. 1995