Eadwulf Northumbria
Eadwulf Northumbria a voe roue Northumbria eus marv Aldfrith Northumbria e miz kerzu 704 betek miz c'hwevrer 705 pa'z adkavas mab Aldfrith, Osred I Northumbria e dron.
Ur bugel e oa Osred pa varvas e dad ha krediñ a reer e skrapas Eadwulf en tron. N'anavezer ket hag Eadwulf a oa un diskennad eus Ida Northumbria met un dra bosupl eo rak un nebeud rouaned ziwezhatoc'h a berc'henn ouzh adlignezioù an eoppingas.
Skoazellet e voe Eadwulf gant Berhtfrith, mab Berhtred, war a seblant. Berhtfrith a oa tiern eus biz Bernikia, e Lothian hag a-hed ar Forth. Un tabud a oa etrezo buhan a-walc'h, avat. An eskob Wilfrid, a oa en harlu, a c'hoantae distreiñ d'ar vro. Fellout a rae da Eadwulf e chomje en estrenvro met gwelloc'h e felle da vBerhtfrith e tistroje. Bez' e oa ur brezel diabarzh berr ha gant Berhtfrith ha Wilfrid ez eas an trec'h. Osred a lakajont en-dro war an tron.
En harlu da zDál Riata ez eas Eadwulf war a seblant ha tu-se e chome betek e varv e 717.
| En e raok | Eadwulf Roue Northumbria c. 704 – 705 |
War e lerc'h |
| Aldfrith Northumbria | Osred I Northumbria |
Daveoù kemmañ
- Higham, N.J., The Kingdom of Northumbria AD 350-1100. Stroud: Sutton, 1993. ISBN 0-86299-730-5
- Marsden, J., Northanhymbre Saga: The History of the Anglo-Saxon Kings of Northumbria. London: Cathie, 1992. ISBN 1-85626-055-0
- Yorke, Barbara, Kings and Kingdoms of early Anglo-Saxon England. London: Seaby, 1990. ISBN 1-85264-027-8