Enez Louet
Un danvez pennad eo ar pennad-mañ diwar-benn inizi Breizh ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
| Enez Louet | |
|---|---|
 Enez Louet. | |
| Anv(ioù) all | Ilioig |
| Anv gallek | Île Louët |
| Geografiezh | |
| Lec'hiadur | Bae Montroulez, (Mor Breizh) |
| Daveennoù lec'hiañ | 48° 40′ 24″ N, 3° 53′ 19″ K |
| Lein uhelañ | 14 m |
| Geologiezh | Enez kevandirel |
| Melestradurezh | |
| Bro |  Breizh
|
| Bro hengounel |  Bro-Leon
|
| Departamant |  Penn-ar-Bed
|
| Kumunioù | Karanteg |
| Poblañs | |
| Poblañs | 0 ann. |
| Titouroù all | |
| Dizoloadenn | Ragistor |
| Gwerzhid-eur | UTC+01:00 |
kemmañ  |
|
Enez-Louet, pe Ilioig[1], zo un enezennig e Bae Montroulez, 350 m er biz a-vaez da Garanteg e Penn-ar-Bed, etre beg Penn-al-Lann ha Kastell an Tarv.
Skeudenn an enezig-mañ a zo deuet da vezañ brudet kenañ o vezañ embannet e-leizh gant kazetennoù touristelezh[2].
Savadurioù kemmañ
Pevar savadur zo warni : tour-tan Enez Louet bet savet e 1857 ha lakaet war elum e 1860, un ti ha daou adti.
Annez gward an tour-tan e oa an ti betek ar 1962, pa voe emgefreekaet ar gouloù[3].
E-pad ar bloavezhioù pevar-ugent e oa bet implijet evel lec'h diazez gant skol bageal ar Glénans[4].
Adalek 2004 eo bet fiziet an ti da di-kêr Karanteg gant melestradur an tourioù-tan hag ar balizennoù. Labourioù a zo bet graet gant an ti-kêr ; feurmet e vez d'an douristed abaoe 2008[5][6].
Abaoe 2013 ez eo kenstaget Enez-Louet ouzh rouedad an dour ; tredan a vez kenderc'het evit an ti dre banelloù fotovoltaek.
-
Enez-Louet ha Kastell an Tarv -
An tour-tan hag an ti.
Notennoù ha daveoù kemmañ
- ↑ Hervez Toponymie Nautique niv. 1426, gant Alan ar Berr (1971) e vez graet "Enez Louet" pe "Ilioig"" eus an enezennig-se. Hervez Renabl anoiou lehiou Arvor Gorre Leon (Bae Montroulez), gant Mikael Madeg ha P. Pondaven (Emgleo Breiz, 2004), e kaver meur a stumm e brezhoneg komzet ar vro : [ãniˈloˑik], [ãniˈʎoˑik], [ãniˈluˑɛt], [ãniˈʎoˑɛk], [eˑnezˈluˑik], [eˑnezˈloˑik] (p. 90).
- ↑ Les îles du Ponant, Louis Brigand, Palantines, 2002, pajennoù 299-300.
- ↑ Phare et maison du gardien de l'Île Louët (Carantec), Inventaire des patrimoines maritimes et estuariens du Pays de Morlaix, Rannvro Breizh.
- ↑ Phares des côtes bretonnes, Pierre-François Bonneau ha Benoît Stichelbaut, Ouest-France, 2020, pajenn 58.
- ↑ "Île Louet. Chambres avec vue imprenable", Le Télégramme, 8 a viz Du 2007.
- ↑ (fr) Ti an touristerezh
|
|
Porched Breizh – Adkavit pennadoù ha rummadoù Wikipedia a denn da Vreizh. |