Force India
Adrian Sutil e 2013.
Bro India India
Renerien ha blenierien
Prezidant Vijay Mallya
Rener Andy Green
Blenierien 27 Nico Hülkenberg
11 Sergio Pérez
Blenierien esaeoù James Rossiter
Arouezennoù teknikel
Kastell-karr Force India VJM07
Keflusker Mercedes-Benz V8
Bandennoù-rod Pirelli
Disoc'hoù
Bloavezhioù o redek Abaoe 2008
Priz Bras kentañ Banniel Aostralia Aostralia 2008
Niverenn ar Prizioù Bras 93
Trec'hioù 0
Plasoù pol 1
Podiomoù 1
Troioù gwellañ 2
Titloù ar saverien N'eus ket
Titloù ar vlenierien N'eus ket

Ur skipailh Formulenn 1 eo Force India, pe Sahara Force India Formula One Team. Krouet e 2008 gant an den afer Vijay Mallya, en doa adprenet Spyker F1 Team[1] ha Michiel Mol evit 90 milion €, e red gant un aotre indianat er c'hevezadeg 201 gant ar vlenierien Paul di Resta hag Adrian Sutil. Emañ o chom e Silverstone e Bro-Saoz hag un diskennad Jordan Grand Prix eo.

Merket a oa bet poentoù kentañ e Belgia e 2009 gant ur podium graet gant Giancarlo Fisichella, goude ur plas pol graet an deiz a-raok. Echu eo ar redadeg evit Fisichella 2l a-dreñv Kimi Räikkönen. Abaoe ar redadeg-se a verk alies Force India poentoù hag ur skipailh bras eo evit ar re a zo e-kreiz ar gael.

Istor ar skipailh kemmañ

Orin kemmañ

 
Karr diwezhañ Jordan Grand Prix gant Narain Karthikeyan.

Jordan kemmañ

Orin Force India emañ er skipailh iwerzhonat Jordan Grand Prix, krouet e 1991 gant Eddie Jordan. Savet e oa bet gantañ ar savadurioù e Silverstone e lerc'h emañ Force India bremañ. Berzh en doa graet Jordan, gant pevar trec'h, ha graet en doa 3 plas ar c'hevezadeg 1999. Koulskoude en doa ar skipailh kudennoù gant an arc'hant ar pezh en doa taolet war kasadennoù ar skipailh. Gwerzhet e oa bet e 2005 da vMidland Group.

Midland F1 ha Spyker kemmañ

Adprenet gant Alex Schnaider, cheñchet a oa ar skipailh d'ur skipailh rusat Midland F1 Racing. Tremenet en doa ar bloavezh 2006 a-dreñv ar kael a-raok bezañ adwerzhet da Spyker Cars[2] el lodenn diwezhañ ar bloavezh. Spyker F1 Team en doa merket ur poent e 2007 ha memes a oa e penn Priz Bras Europa gant an deraouer Markus Winkelhock. Koulskoude en doa c'hoazh kudennoù arc'hant[3] e-pad ar bloavezh. Gwerzhet e oa ar skipailh d'an den afer Vijay Mallya penn United Breweries Group ha Kingfisher Airlines ha da Michiel Mol, rener Spyker[4].

2008 : krog kentañ gant ar c'heflusker Ferrari kemmañ

 
Giancarlo Fisichella a-dreñv Rubens Barrichello e Belgia.

Dibab a ra ar skipailh mirout Adrian Sutil, en doa graet ur bloavezh mat e Spyker, a-benn 2008. Evit dibab an eil blenier a renk ar skipailh esaeoù e-pad tri devezh. Perzh o deus ar vlenierien Ralf Schumacher, Frank Montagny, met Giancarlo Fisichella zo bet lakaet ofisiel evel blenier ar skipailh d'ar 10 a viz Genver 2008, eus Renault. Dibabet eo Vitantonio Liuzzi evel en trede blenier[5]. Ar c'harr VJM01[6] n'eo nemet emdroadur ar Spyker F8-VIIB gant keflusker Ferrari. Goude ur kinnig en India[7] a grog an esaeoù goañv. Meur a spi en deus ar skipailh en abeg d'ur budjed kresket hag ur c'hwezherezh nevez feurmet gant EADS[8], ar eo ar skipailh japanat Super Aguri en doa graet ur bloavezh 2007 mat awalc'h[8].

En Aostralia emañ ar redadeg kentañ ha rankout a ra kirri Force India dilezel e troioù kentañ[9] met gwelloc'h eo Priz Bras Malaysia gant 12vet plas Giancarlo Fisichella. Tost eo Adrian Sutil da verkañ poentoù kentañ ar skipailh e Monaco met rankout a ra dilezel en abeg d'ur gwallzarvoud gant Kimi Räikkönen en doa kollet kontroll e garr[10]. Daoust kasadennoù gwelloc'h gwellañ a grog Force India ar redadegoù a-dreñv ar gael goude dilez Super Aguri eus ar Formulenn 1. Echu eo gant diorroadurioù goude Priz Bras Europa[11] peogwir en deus dibabet Vijay Mallya en em soñjal war ar bloavezh 2009 goude en doa komprenet en doa gwanaet an izelpostiñ ha cheñchamantoù perc'henned ar skipailh[11]. Daoust mar e oa kasadennoù mat er fin ar bloavezh, da skouer en Italia e-lerc'h en deus titret Fisichella 12vet pe e Singapour pe Brazil e-lerc'h kudennoù sportel ha teknikel o deus lakaat ar blenier italianat da zilezel, poent ebet ne oa bet merket gant Fisichella hag Sutil. Echu a ra Force India 2008 gant an 10vet plas ar c'hevezadeg.

2009 : berzhioù kentañ gant Mercedes kemmañ

 
Giancarlo Fisichella e Turkia.

Kendalc'h a ra ar skipailh gant ar memes blenierien, Giancarlo Fisichella hag Adrian Sutil[12]. E Bro-Sina, e-pad ur Priz Bras redet dindan ar c'hlav, eo tost Sutil da verkañ poentoù kentañ ar skipailh gant ar 6vet plas, dirak Lewis Hamilton, met ur gwallzarvoud a c'hoarvez. N'eo ket gouest ar blenier alaman da echu ar redadeg. Ober a ra Sutil en Alamagn e ditriñ gwellañ gant ur 7vet plas, met skoet eo bet gant Kimi Räikkönen, ar pezh a lakaat anezhañ da echuiñ 15vet.

Gant Giancarlo Fisichella eo bet graet plas pol kentañ Force India, e Belgia war an droienn Spa-Francorchamps[13]. Disul e teu Fisichella da echuiñ 2l a-dreñv Kimi Räikkönen, met gant poentoù ha podium kentañ ar skipailh. Posupl e oa gounit an trec'h ma en dije bet ar c'harr ar sistem KERS, a oa gant ar Ferrari, hag a ro muioc'h tizh d'ar c'harr.

Kuit a ya Giancarlo Fisichella eus Force India, abalamour d'ar gwallzarvoud en deus c'hoarvezet da Felipe Massa, blenier Ferrari, a lak ar skipailh italian da c'houlenn servijoù ur blenier-all. Dibabet eo bet Fisichella ha neuze e rank ar skipailh indian kavout ur blenier-all da lakaat en e lec'h. Vitantonio Liuzzi zo ar blenier-se[14].

Ar Pris Bras goude, e Monza en Italia a zo mat ivez. Eil e titr Adrian Sutil pa ditr Vitantonio Liuzzi 7vet. En ur ober an tro gwellañ e echu Sutil 4 d'ar redadeg, met dilezel e rank Liuzz abalamour d'ur gudenn gant e c'harr. Echu a ra Force India 9vet d'ar c'hevezadeg dirak Toro Rosso, gant 13 poent. Un araokadenn mat en deus graet ar skipailh er mare-se ar pezh a ro spioù nevez evit ar bloavezh goude.

2010 : ur bloaz evit konfirmiñ kemmañ

 
Vitantonio Liuzzi e Bahrain e 2010

Kemennet eo bet d'ar 27 a viz Du 2009 eo bet miret Adrian Sutil ha Vitantonio Liuzzi e-barzh ar skipailh a-benn 2010[15]. Ouzhpenn eo bet testet daou vlenier yaouank e Jerez, Paul di Resta, a vlein e DTM, ha J.R. Hildebrand. Di Resta a ziskouez dezhañ buanoc'h awalc'h[16], neuze eo bet dibabet ar blenier skos evel blenier test e-pad ar mare 2010. Redek a ra ar skipailh gant ur c'hastell-karr nevez, ar VJM3.

Vitantonio Liuzzi a verk poentoù evit ar Priz Bras kentañ e Bahrein pa c'hoarvez ur gwallzarvoud da Adrian Sutil, titret 10vet, gant Robert Kubica, echuiñ a ra 12vet memestra. Evit an eil Briz Pras e titr Sutil e-barzh an top 10 pa titr Liuzzi 13vet, a echu ar redadeg 7vet, pa zilezel Sutil. Gwelloc'h eo ar Malaysia evit Sutil a echu 5vet, o verkañ 10 poent. Liuzzi a zilezel ar redadeg. Goude-se ez eus ur bern redadegoù e-kreiz ar bolotennad, er-maez an darvoudoù meur, met gant poentoù e Bro-Spagn. Ur redadeg vat a oa Monaco, gant an daou garr e-barzh ar poentoù d'ar wech kentañ, o virout anezho eus ar gwallzarvoudoù, en ur echuiñ 8vet ha 9vet. Tremen a ra mat ar redadeg evit Sutil e Turkia o verkañ 2 boent pa echu Liuzzi 13vet. Echuiñ a ra c'hoazh an daou garr e-barzh ar poentoù e Kanada gant Vitantonio Liuzzi 9vet ha Adrian Sutil 10vet. Echuiñ a ra ar skipailh 7vet ar c'hevezadeg gant 69 poent pa ya kuit un nebeud tud a-bouez evit Force India, ar rener teknikel James Key da skouer[17].

2011 : galloudegezh o sevel kemmañ

 
Di Resta e Kanada

Ar blenier esae skos Paul di Resta zo bet dibabet evit erlec'hiañ Vitantonio Liuzzi d'ar 26 a viz Genver 2011 evit bezañ e-kostez Adrian Sutil. Krouet gant ar rener teknikel nevez Andrew Green oc'h implijañ danvez McLaren Applied Technologies eo bet diskouezet karr nevez Force India, ar VJM4 a redo e 2011.

Un disoc'h mat a ra Force India gant e zaou vlenier, e Priz Bras Aostralia, 9vet ha 10vet goude diberzh ar Sauber gant abegoù teknikel. Ober a ra ar blenier skos ur c'hrog mat gant e vloavezh a-raok rankout dilezel e Turkia. Dont a ra Sutil da vezañ gwelloc'h goude-se, ispisial e Monaco e-lec'h eo echu 7vet. E-barzh ar poentoù a oa di Resta e Breizh-Veur pa en deus c'hoarvezet dezhañ ur gwallzarvoud gant Sebastien Buemi. En Alamagn a echu Sutil 6vet dirak kirri Mercedes. Ober a ra di Resta disoc'hoù mat en Hungaria, 7vet, en Italia, 8vet hag an hini gwellañ e Singapour, 6vet pa en deus graet Sutil 7vet e Belgia hag 8vet e Singapour. Ur poent a verk ar blenier skos e Korea ha Adrian Sutil a verk 2 boent en India. Er redadeg ziwezhañ e Brazil a echu Sutil 6vet pa echu di Resta 8vet, o sikour ar skipailh echuiñ 6vet ar c'hevezadeg, 4 foent a-dreñv Lotus Renault.

2012 : Palioù nevez kemmañ

Cheñch a ra Force India unan eus e vlenierien, Adrian Sutil, erlec'hiet gant Nico Hülkenberg evit 2012 pa gendalc'h Paul di Resta gantañ. Dibabet eo bet Jules Bianchi evit bezañ an trede blenier diwezhatoc'h. Ar c'harr 2012 a zo ar VJM05.

Roll loreidi kemmañ

Disoc'hoù e kevezadeg bed ar Formulenn 1 kemmañ

Bloavezh Kastell-karr Keflusker Bandennoù-rod Blenierien Niver a Brizioù Bras Plasennoù pol Trec'hioù Poentoù Renkadur
2008 VJM01 Ferrari V8 Bridgestone   Giancarlo Fisichella
  Adrian Sutil
18 0 0 0 10vet
2009 VJM02 Mercedes V8 Bridgestone   Giancarlo Fisichella
  Adrian Sutil
  Vitantonio Liuzzi
17 1 0 13 9vet
2010 VJM03 Mercedes V8 Bridgestone   Adrian Sutil
  Vitantonio Liuzzi
19 0 0 68 7vet
2011 VJM04 Mercedes V8 Pirelli   Adrian Sutil
  Paul di Resta
19 0 0 69 6vet
2012 VJM05 Mercedes V8 Pirelli   Paul di Resta
  Nico Hülkenberg
1 0 0 1 7vet

Roll loreidi ar vlenierien kemmañ

Blenierien Prizioù bras Trec'hioù Podiumoù Poentoù Troioù gwellañ Troioù er penn Renkadur
gwellañ
  Adrian Sutil 73 0 0 94 1 0 4vet
  Giancarlo Fisichella 30 0 1 8 0 4 2
  Vitantonio Liuzzi 24 0 0 21 0 0 6vet
  Paul di Resta 20 0 0 28 0 0 6vet
  Nico Hülkenberg 1 0 0 0 0 0 -

Notennoù ha daveoù kemmañ

  1. "FIA a-du gant cheñchamant anv Spyker", Formula1.com, Formula One Administration Ltd (24 a viz Here 2007). 
  2. "Midland a werzh MF1 Racing da Spyker", grandprix.com, Inside F1, Inc. (9 a viz Gwengolo 2006). 
  3. "Da Spyker a fell gwerzhañ e skipailh F1", Haymarket Publications (14 a viz Eost 2007). 
  4. "Mallya ha Mol a bren Spyker", formula1.com, Formula One Administration Ltd. (3 a viz Gwengolo 2007). 
  5. "Fisichella, Sutil, Liuzzi lakaet ofisiel e Force India", formula1.com, Formula One Administration Ltd. (10 a viz Genver 2008). 
  6. Joseph, Noah (11 a viz C'hwevrer 2008). "Force India a ziskouez VJM01", Autoblog, Weblogs, Inc.. 
  7. "Force India a ginnig e garr e Mumbai", formula1.com, Formula One Administration Ltd. (7 a viz C'hwevrer 2008). 
  8. 8,0 ha8,1 Batra, Ruhi (9 a viz C'hwevrer 2008). "Pal kentañ Force India a vo dornañ Super Aguri", The Times of India, Bennett, Coleman & Co. Ltd.. 
  9. Tremayne, David (17 a viz Meurzh 2008). "Analiz Pris Bras Aostralia", formula1.com, Formula One Administration Ltd.. 
  10. Priz Bras Monaco. GrandPrix.com. Inside F1, Inc (25 a viz Mae 2008).
  11. 11,0 ha11,1 "Boest an tizhoù Force India a zo e ziorroadur diwezhañ", Formula1.com, Formula One Administration Ltd. (11 a viz Eost 2008). 
  12. "Force India a gendalc'h gant e vlenierien e 2009", BBC Sport (17a viz Here 2008). 
  13. "Disoc'hoù Spa", BBC Sport (29 a viz Eost 2009). 
  14. "Liuzzi a ya e lec'h Fisichella e Force India", Reuters India (7 a viz Gwengolo 2009). 
  15. ESPN F1 | Formula 1 news and live F1 coverage. En.f1-live.com.
  16. Ricciardo tops final day of testing. F1technical.net.
  17. Smith a ya kuit eus Force India da Lotus


Da welout kemmañ


 
Commons
Muioc'h a restroù diwar-benn

a vo kavet e Wikimedia Commons.

Liammoù diavaez kemmañ

Kevezadeg bed ar Formulenn 1 e 2023
Red Bull Ferrari Mercedes Alpine McLaren Alfa Romeo Aston Martin Haas AlphaTauri Williams
33 Verstappen
11 Pérez
55 Sainz
16 Leclerc
44 Hamilton
63 Russell
10 Gasly
31 Ocon
4 Norris
81 Piastri
77 Bottas
24 Zhou
14 Alonso
18 Stroll
27 Hülkenberg
20 Magnussen
22 Tsunoda
21 de Vries
23 Albon
2 Sargeant
  Porched ar Formulenn 1 – Gwelit ar pennadoù hag ar rummadoù diwar-benn ar Formulenn 1