Guajira
La Guajira zo un departamant eus Kolombia.
Guajira zo un doare kanaouenn hengounel eus reter Enez Kuba. Dont a ra an anv eus ar ger guajiro a dalv kement ha kouer en Enez Kuba.
Buhez kouerien Kuba eo dodenn ar guajiras peurliesañ.
Kanaouennoù e 4/4 eo ar guajiras, kanet goustad, eilet gant ar gitar, tost d'ur son.
Espinelas[1] eo ar c'homzoù, da lavaret eo pozioù dek gwerzenn eizh silabenn enno, savet diwar-benn buhez ar guajiras – ar gourerezed kuban.
Jorge Anckermann (La Habana 1877-1941) a vez lakaet da dad ar Guajira a-c'houde e ganaouenn El arroyo que murmura ("Hiboud ar wazh-dour", ha "hiboud tud ar straedoù" ivez)[2],[3].
Guantanamera, savet e 1928 gant Joseíto Fernández, eo ar guajira brudetañ e-maez Kuba.
Brud kemmañ
Gant Guillermo Portabales, kaner ha gitarour, eo bet brudet ar guajira. E zoare kran da ganañ zo deuet da vezañ anvet guajira de salón. Kanet en deus e ganaouennoù dre Amerika, traoñ ha krec'h, adalek ar bloavezhioù 1930 betek 1970, pa varvas en ur gwallzarvoud e Puerto Rico.
Un nebeud guajiras kemmañ
- El carretero, ar gwellañ skouer eus an doare. Savet gant Guillermo Portabales, ha kanet gant kalz a dud, Eliades Ochoa en o zouez.
- Chan-Chan, brudet dre film Wim Wenders, Buena Vista Social Club.
Un doare guajira a vez sonet e New York abaoe ar bloavezhioù 1960, gant elfennoù cha-cha-cha e-barzh, evel El ratón ("Al logodenn") kanet gant Cheo Feliciano.
Liammoù kemmañ
Notennoù kemmañ
- ↑ Diwar doare ar skrivagner ha sonaozer spagnol Vicente Gómez Martínez Espinel (Ronda, Málaga, 28 a viz Kerzu 1550 - Madrid, 4 a viz C'hwevrer 1624.
- ↑ Sonerezh
- ↑ (es)Komzoù]
| Doareoù sonerezh Kuba |
|---|
|
Conga | Punto guajiro | Guaracha | Tumba francesa | Contradanza | Rumba | Habanera | Trova | Changui | Danzón | Boléro | Son | Guajira | Mambo | Filin | Cha-cha-cha | Pachanga | Nueva Trova | Songo | Timba |