Hudellouriezh an treid

Fetichegezh an treid pe podofiliezh, zo ur barafiliezh, anezhi ar c'hoant pe an trivliad reizhel o deus tud zo evit an treid. O flijadur reizhel a gavont e-giz-se hepken. Paotred e vez an droadgarourien peurvuiañ, met plac'hed e c'hallont bezañ a-wechoù. E ster poblek ar ger n'eo fetichegezh an treid nemet karantez an treid, an doug d'an treid hep ma vije forc'hus.

Ouzhpenn an treid, an divhar hag al loeroù, ar botoù ivez a c'hall broudañ ar c'hoant reizhel.

Kontez he skourjez . Skeudenn gant Martin van Maele evit levr Pierre Mac Orlan La Comtesse au fouet, Jean Fort, coll, Paris, 1926.

Ken tost eo an daou dermenadur-se m'en em veskont alies. Arabat e vefe o c'hemmeskañ avat. Fetichegezh an treid er ster poblek zo un dra reizh-kenañ ha n'eo ket disheñvel diouzh fetichegezh ar brennid pe da hini an divglun eo ar fetichegezhioù stankañ, da lâret eo diwar-benn lodennoù ar c'horf a vez c'hoantaet ar muiañ en darempredoù reizhel.

En arzoù

Tud evel Goethe ha Baudelaire a zo bet brudet da vezañ troet gant treid ar maouezed.

• En danevell Le pied de Fanchette ou le soulier couleur de rose (1768) e kont Restif de la Bretonne istor ur plac'h a vez sot ar wazed gant he zreid.
• Er romant Journal d'une femme de chambre gant Octave Mirbeau ez eus ur gwaz troet gant boteier ar merc'hed.

Tud

• Andy Warhol
• Britney Spears
• Casanova
• Elvis Presley, kaner stadunanat
• F. Scott Fitzgerald
• François Mitterrand
• Georges Tron, ministr gall
• Quentin Tarantino
• Thomas Hardy, romantour saoz

Liammoù diavaez

• Youtube Pennad-kaoz gant Jeanne Moreau diwar-benn ar film Journal d'une femme de chambre gant Luis Buñuel ha kaoz ganti eus doug ur gwaz da votoù ar merc'hed.
• (en) Foot Fetish Tube
• (en) The History of Footwear - The Sexy Foot
• (en) Sexuality.org - Alt.sex.fetish.feet FAQ