Inizi Barraigh

Inizi Barraigh (Barra Isles, pe Bishop's Isles, dre ma vijent bet perc'hennet gant an Iliz, e saozneg), a zo un enezeg en Inizi Gall, e Bro-Skos, er c'hreisteiz da Enez Barraigh. Nav enezenn emaint, hag un toullad kerreg.

Inizi Barraigh gwelet eus lein Sheabhal: Bàgh a' Chaisteil (Bae ar C'hastell) dirak, ha pelloc'h Bhatarsaigh, Sanndraigh, Pabaigh, Miughalaigh ha Beàrneraigh.

An Inizi

Darn zo bihanik, ha n'eus nemet en hini vrasañ ez eus tud o chom:

• Bhatarsaigh (Vatersay e saozneg) eo an enez vrasañ;
• e Beàrneraigh (Berneray pe Barra Head), Pabaigh (Pabbay), Sanndraigh (Sandray) ha Miughalaigh (Mingulay) ez eus bet tud o chom gwechall;
• peder enezenn vihan all zo: Flodaigh (Flodday), Lingeigh (Lingay), Maol Dòmhnaich (Muldoanich) hag Uineasan.

Kaoz zo anezho e meur a saga viking.