Jeff Koons a zo un arzour amerikan bet ganet d'an 21 a viz Genver 1955 e York (Pennsylvania). Divizoù a sav dizehan diwar e oberenn. Evit tud zo ez eo deuet a-benn da dennañ ar pep pouezusañ eus luskadoù gward a-raok ar c’hantved, ar Pop Art en o zouez. Evit re all avat, n’eo nemet un arzour a blij dezhañ kalz an traoù kitsch, hag a blij da zastumerien pinvidik-mor hag a zisplij d’ar vurutelletien. Er mare-mañ emañ Koons e-touez arzourien gerañ ar bed. (47vet e top 100 al lec’hienn ofisiel artfacts.net).

Jeff Koons
den
Reizh pe jenerpaotr Kemmañ
Bro ar geodedouriezhStadoù-Unanet Kemmañ
Anv e yezh-vamm an denJeff Koons Kemmañ
Anv-bihanJeff Kemmañ
Anv-familhKoons Kemmañ
Deiziad ganedigezh21 Gen 1955 Kemmañ
Lec'h ganedigezhYork Kemmañ
PriedIlona Staller Kemmañ
Yezh vammsaozneg Kemmañ
Yezhoù komzet pe skrivetsaozneg Kemmañ
Micherkizeller, livour, luc'hskeudenner, installation artist, designer Kemmañ
Bet war ar studi eMaryland Institute College of Art, School of the Art Institute of Chicago Kemmañ
Bet studier daEd Paschke Kemmañ
Lec'h labourMünchen, Sarasota, Chicago, Baltimore, New York Kemmañ
LuskadPop Art, postmodernism, conceptual art, Arz bihanañ Kemmañ
Ezel eusRoyal Academy of Arts, American Academy of Arts and Sciences Kemmañ
TachennDivuhez, public art Kemmañ
Levezonet gantAndy Warhol, Marcel Duchamp Kemmañ
Prizioù resevetFellow of the American Academy of Arts and Sciences, Berliner Bär Kemmañ
Lec'hienn ofisielhttp://www.jeffkoons.com/ Kemmañ
Dileuriet gantDavid Zwirner Gallery, Gagosian Gallery, Almine Rech Gallery, Pace Gallery Kemmañ
Dileuriad ar gwirioù a aozerreproduction right not represented by CISAC member Kemmañ
Statud e wirioù aozerOberennoù dezhe gwirioù aozer Kemmañ
Teuliad arzour eSmithsonian American Art and Portrait Gallery Library Kemmañ
Jeff Koons e 2009
Puppy, Guggenheim-Museum, Bilbao

E oberenn kemmañ

Un arzour klok eo Jeff Koons hag er pezh a grou e kaver roud eus kement teknik arzoù a zo : staliadurioù, luc’hskdeudenniñ, livouriezh, kizellerezh liesseurt (koad, marmor, gwer, inoks) hag oberenoù savet en ur implij urzhiataerioù. Fellout a ra dezhañ sevel oberenn a blijo d’ar brasañ niver. Pa sav un oberenn e klask “ober war-dro traoù a c’hallo an holl kaout ul liamm outo”. Goude bezañ bet trader e Wall Street e-pad ur pennad e stagas neuze gant ar arzoù, evel doare "merchandising peurvat". E oberennoù a vez savet en e stal-labour, asambles gant e skorerien. Ne sav netra e-unan : mennozhioù a zegas, ha kenlabourerien a-vicher a sav anezho da c’houde.

Pa’z implij traoù e klask kompren “perak ha penaos e c’hall bezañ azeulet traoù ar gevredigezh beveziñ”. Kemend-se a weler pa seller ouzh e oberenn : sunerezed pe ardinvinkoù ti-tredan klozet e kasedoù pleksiglas ha sklerijennet gant korzennoù neon, ha goude-se bolotennoù basket e-skourr e-barzh akwariomoù (gant sikour Richard Feynman, priz Nobel ar skiantoù fizik), hag ivez eñvorennoù marc’hadmat, bitrakoù rococo (lapined-c’hwez, mêsaerezed ha deñved sukr, Michael Jackson e porselen) ha dreist-holl c’hoarioù ha traouigoù stag ouzh ar bugaleaj. Hiziv an deiz e vez gwelet oberennoù zo savet gantañ (Inflatable Rabbit, ul lapin-c’hwez inoks bet savet e 1986, pe c’hoazh Balloon Dogs) evel re bouezusañ dibenn an XXvet kantved.

Arz Jeff Koons a c’haller gwelout evel ur meskaj eus meur a dra all : ready-made Marcel Duchamp, traoù pemdez bras-divent Claes Oldenburg, brud Andy Warhol, an artizanelezh arzoù ha skeudennerezh ar bobl. Ar skeudennadurezh implijet gant Koons a zo heñvel ouzh ur c’hatalog sevenadur ar bobl, amerikan ha bedel war un dro.

E 1991 e timezas Koons gant an aktourez filmoù pornografek italian anvet Ilona Anna Staller (ar Cicciolina). Asambles e kroujont oebrennoù atahinus, hag e teujont a-benn da vezañ anavezet gant ur bern tud. Dispartiañ a rejont e 1994 daou vloaz goude ganedigezh o mab, anvet Ludwig. Bec’h a savas etrezo pa voe anv eus mirout ar bugel. Unan eus oberennoù Koons, anvet Split-Rocker en ziskouez splann : un hanter anezhi a zo anvet Dino, an hanter all o vezañ anvet Pony, an daou anezho o tont eus skeudennerezh ar bugaleaj.

E ziskouezadegoù kemmañ

  • 1980 : The New, New Museum of Contemporary Art, New York
  • 1985 : Equilibrium, International With Monument Gallery, New York; Feature Gallery, Chicago
  • 1986 : Luxury and Degradation, Daniel Weinberg Gallery, Los Angeles; International With Monument Gallery, New York
  • 1987 : The New : Encased works 1981-1986, Daniel Weinberg Gallery, Los Angeles
  • 1988 : Jeff Koons : Works 1979-1988, Museum of Contemporary Art, Chicago. Banality, Galerie Max Hetzler, Cologne; Sonnabend Gallery, New York; Donald Young Gallery, Chicago
  • 1989 : Jeff Koons – Nieuw Werk, Galerie ‘T Venster, Rotterdamse Kunststichting, Rotterdam
  • 1991 : Made in Heaven,Galerie Max Hetzler, Kologn; Sonnabend Gallery, New York; GalerieLehmann, Lausanne (1992); Christophe Van de Weghe, Brusel (1992)
  • 1992 : Jeff Koons Retrospective, Stedelijk Museum, Amsterdam; Aarhus Kunstmuseum (1993); Staatsgalerie Stuttgart (1993). Jeff Koons Retrospective, San Francisco Museum of Modern Art (1992-93); Walker Art Center, Minneapolis (1993). Puppy, Schloss Arolsen
  • 1994 : Jeff Koons : A Survey 1981-1994, Anthony d’Offay Gallery, Londrez
  • 1995 : Puppy, Museum of Contemporary Art, Sydney
  • 1997 : Puppy, Guggenheim Museum, Bilbao. Jeff Koons, Galerie Jérôme de Noirmont, Pariz
  • 1998 : Jeff Koons : Encased Works, Anthony d’Offay Gallery, Londrez
  • 1999 : Easyfun, Sonnabend Gallery, New York. Jeff Koons, A Millenium Celebration, Deste Foundation, Aten (1999-2000).
  • 2000 : Easyfun-Ethereal,Deutsche Guggenheim, Berlin (2000-2001); Fruitmarket Gallery, Edinburgh(2001); Guggenheim Museum, Bilbao (2001-2002); 25è Biennale de SaoPaulo (2002); Guggenheim Museum, New York. Puppy, Rockefeller Center, New York. Split-Rocker, Palais des Papes, Avignon.
  • 2001 : New Paintings, Gagosian Gallery, Los Angeles. Easyfun–Ethereal, Fruitmarket Gallery, Edinburgh. Jeff Koons, Kunsthaus Bregenz.
  • 2002 : Easyfun-Ethereal, 25vet Sao Paulo Biennial, Sao Paulo. Easyfun-Ethereal, Guggenheim Museum, New York. Jeff Koons, York College, York. Jeff Koons. Paintings, Photos, Prints 1980-2002, Kunsthalle Bielefeld. Popeye, Sonnabend Gallery, New York.
  • 2003 : Jeff Koons, Museo Archeologico Nazionale, Napoli. Popeye, Sonnabend Gallery, New York.
  • 2004 : Jeff Koons : Highlights of Twenty-Five Years, C&M Arts, New York. From Pop to Now : Selections from the Sonnabend Collection, The Tang Museum, Saratoga Springs, New York; The Wexner Center for the Arts, Columbus, Ohio. Retrospektiv : Astrup Fearnley Museet for Moderne Kunst, Oslo ; Helsinki City Art Museum.

Liammoù diavaez kemmañ


 
Commons
Muioc'h a restroù diwar-benn

a vo kavet e Wikimedia Commons.