Kastell Klison
Kastell Klison ha pont ar Sevr.
Kastell Klison ha pont ar Sevr.
Anv gallek Château de Clisson
Marevezh pe stil Krennamzer
Doare kastell Kastell-kreñv
Deroù ar savidigezh XIvet kantved
Dibenn ar savidigezh XVvet kantved
Perc'henn kentañ Guillaume de Clisson
Implij orin Annez ha difenn ar gêr
Perc'henn
a-vremañ
Kuzul-departamant
Gwarez Monumant Istorel Monumant istorel rummet (1924)
Monumant Istorel Monumant istorel (2004)
Lec'hiadur
Daveennoù lec'hiañ 47° 05′ 12″ N, 1° 16′ 51″ K
Bro Breizh Breizh
Bro hengounel Bro-Naoned Bro-Naoned
Departamant Liger-Atlantel Liger-Atlantel
Kumun Klison

Emañ kastell Klison e kumun Klison el Liger-Atlantel, war ribl ar stêr Sevr.

Istor kemmañ

Aotrouien gentañ Klison a reer anv anezho evit ar wech kentañ en istor e 1040. Teir farrez warn-ugent a oa en o domani bras tro-dro d’ar c’hastell. En amzer-hont e oa ur c’hastell a bouez eus kastell Klison, pa oa tost d’an harzoù etre Breizh, Anjev ha Poatev.

Eus an XIIIvet kantved eo ar savadur a weler bremañ, evit al lodenn goshañ anezhañ. Savet e voe gant Gwilherm Klison, war ur roc’h vras a-us ar Sevr. Unan eus tiegezhioù nobl galloudusañ Breizh e oa tiegezh Klison. Er XIVvet kantved e voe brasaet ha kreñvaet ar c’hastell gant Olier III Klison. E ziskennad Olier IV Klison a voe dibennet e Pariz e 1343 war urzh Fulup VI (Bro-C'hall). A-du gant Yann IV e oa tiegezh Klison e-pad Brezel hêrezh Breizh. Met e vab Olier V Klison, a oa bet o’n em gannañ a-du gant Yann IV ivez, a droas a-du gant Gwesklen ha gant roue Bro-C’hall, Charlez V e 1370. En amzer-se e oa deuet ivez da vezañ aotrou kastell Josilin.

Er XVvet kantved e voe nevesaet difennoù ar c’hastell ha brasaet e voe ivez. Goude 1420 e teuas ar c’hastell da vezañ perc’hennet gant dug Breizh. Eno e voe ganet an dug Frañsez II e 1435. E-touez kestell Breizh e oa an hini a blije ar muiañ d’an dug Frañsez II ober e annez ennañ. Eno e addimezas gant Marguerite de Foix e 1474. Etre 1466 ha 1477 e voe tric'hementet gorread kastell Klison.

War-dro 1590, da vare Brezel ar C'hevre, e voe kreñvaet c’hoazh difennoù ar c’hastell e tu ar c’hreisteiz. Betek ar XVIIvet kantved e voe annezet ar c’hastell gant tiegezh Avaogour, diskennidi ur mab bastard d’an dug Frañsez II. Ganto e voe kemmet c’hoazh ha nevesaet da zereout ouzh c’hoantoù an amzer-se.

E-pad an Dispac'h gall e voe c’hwezhet an tan e kêr hag e kastell Klison gant soudarded ar jeneral Jean-Baptiste Kléber. Dre chañs e voe prenet ar c’hastell e 1807 gant ar c’hizellour François-Frédéric Lemot, a felle dezhañ mirout anezhañ. En XIXvet kantved e teuas un toullad kizellourien ha livourien, dedennet gant rivinoù ar c’hastell.

E 1962 e voe prenet ar c’hastell digant diskennidi Lemot gant Kuzul-departamant al Liger-Atlantel. Abaoe ez eus bet graet labourioù da adkempenn anezhañ, arc’hantet gant an departamant ha gant Ministrerezh gall ar Sevenadur.

Liammoù diavaez kemmañ


 
Commons
Muioc'h a restroù diwar-benn

a vo kavet e Wikimedia Commons.