Lila Downs

Ana Lila Downs, anavezetoc'h evel Lila Downs, ganet d'an 9 a viz Gwengolo 1968 en Heroica Ciudad de Tlaxiaco, Oaxaca, e Mec'hiko, zo ur ganerez ha sonaozourez vec'hikan.

Lila Downs en Oaxaca e 2005

Lila Downs war ul leurenn e 2007

He buhez

Merc'h eo da Allen Downs, filmaozer stadunanat a orin saoz ha skosat, ha da Anita Sánchez, kanerez a orin mixtek. Savet eo bet hanter e California ha hanter en Oaxaca, ha bet e Skol-veur Minnesota.
Pa zistroas da Vec'hiko e teskas gwiadiñ, ha kanañ a reas e tavarnioù Oaxaca. Goude-se e kanas ivez e Philadelphia gant ar soner Paul Cohen, ur saksofonour stadunanat. Kenlabourat a rejont da sevel kanaouennoù ha goude da enrollañ pladennoù. Deuet eo Cohen da vezañ he fried hag he c'huzulier arzel.

Kanerez

E meur a yezh e kan Lila Downs, e spagnoleg hag e saozneg dreist-holl avat, goude ma toug bri d'he gwrizioù ha d'ar pobloù orin mixtek, zapotek, maya ha náhuatl, ha da sonerezh Oaxaca. Oberennoù personel a gan ivez.
Kenlabouret he deus gant Caetano Veloso da sevel sonerezh ar film Frida diwar-benn buhez al livourez vec'hikan Frida Kahlo.

Meur a droiad-kanañ he deus graet e Suamerika, Europa, ha SUA. Pa ne vez ket o veajiñ e vez o chom e Coyoacán, unan eus karterioù Mexico City.

E 2023 e oa bet e Breizh o kanañ, e Kraozon hag e Pempoull.

E filmoù

Klevet e vez o kanañ e meur a film.

DVDoù

• Lotería Cantada (2006)
• The Very Best Of El Alma de Lila Downs, enrollet war al leurenn e Madrid (EMI, 2008)

He fladennoù

• 1994 - Ofrenda
• 1996 - Azuláo – En vivo con Lila Downs
• 1999 - La Sandunga
• 2000 - Árbol de la vida (Yutu tata)
• 2001 - La Línea (Narada)
• 2002 - Frida (sonerezh ar film savet gant Julie Taymor),
• 2004 - Una sangre (Narada – Kentañ Priz ar Grammy Awards e 2005 evit ar gwellañ pladenn sonerezh folk)
• 2006 - La Cantina (Narada)
• 2009 - Ojo de culebra, (En SUA: Shake Away, Manhattan Records, 2008)
• 2010 - Lila Downs y La Misteriosa (enrollet e Pariz e studioioù ar skingomz FIP)
• 2011 - Pecados y milagros
• 2014 - RAÍZ, gant ar c'hanerezed Niña Pastori ha Soledad Pastorutti, RCA Records.
• 2015 - Balas y Chocolate
• 2017 - Salón, Lágrimas y Deseo

Liammoù diavaez

• Lila Downs, pajenn ofisiel
• Patrom:Allmusicguide
• Lila Downs Music Videos on CompulsiveTraveler.tv
• Lila Downs: beyond the border by Mary Armstrong, Sing Out! vol 45#4 - Winter 2002
• He c'hanaouennoù .