Mercosur
Ar Mercosur (Mercosul e portugaleg) zo anezhi kumuniezh armerzhel broioù Amerika ar Su. Talvezout a ra Mercosur kement ha kenvarc'had ar Su (Mercado Común del Sur e spagnoleg / Mercado Comum do Sul e portugaleg / Ñemby Ñemuha e gwaranieg) e div yezh ofisiel ar MERCOSUR (ar spagnoleg gant Arc'hantina, Paraguay, Uruguay, Venezuela hag ar broioù kevelet hag ar portugaleg gant Brazil).
.svg)
Istor ar Mercosur kemmañ
Deuet e oa ar Mercosur war-wel d'ar 26 a viz Meurzh 1991 pa oa bet sinet feur-emglev Asunción. An trede marc'had unanet er bed eo goude Unvaniezh Europa hag an EFENA.
Ur benveg kenlabour aet kalz pelloc'h eget an EFENA eo.
Disklêriadur Cuzco d'an 8 a viz Kerzu 2004 a rakwel e enframmañ tamm ha tamm en un unvaniezh politikel hag armerzhel e Suamerika a-bezh : Unaniezh Broadoù Amerika ar Su (UNASUR). Se a dalvo teuz ar Mercosur ha Kumuniezh an Andoù (Kolombia, Ecuador, Perou ha Bolivia), hag enframmadur Chile, Guyana ha Surinam ouzhpenn.
Ar 27vet kuzuliadeg d'ar 17 a viz Kerzu 2004 e Ouro Preto a zegemeras ent-ofisiel tri ezel kevelet nevez : Ecuador, Kolombia ha Venezuela. E-pad ar guzuliadeg-se o doa embannet Panama ha Mec'hiko e oant e sell da vont er Mercosur.
Broioù ezel pad :
Broioù kevelet d'ar Mercosur :
Broioù hag o deus emglevioù frankeskemm gant ar Mercosur :
- India, 25 Genver 2004 emglev gwellvez maltoutel diwar-benn 800 produ eus al labour-douar, ar gimiezh, ar greanterezh apotikel hag ar c'hirri.
- un emglev etrerannvroel a genlabour gant Unvaniezh Europa a oa bet sinet d'ar 15 a viz Kerzu 1995. An daou dakad armerzhel zo o klask abaoe donaat an traoù dre un takad frankeskemm boutin.
- Broioù eus Afrika ar Su (2004) (Namibia, Botswana, Eswatini ha Lesotho).
Un nebeud sifroù tennet eus al lec'hienn ofisiel :
- Poblañs : 213 milion
- PDK : 1.175,5 miliard a zollaroù e 1998
- Gorread : 11.863.000 km²