Ranuccio II Farnese
Ranuccio II Farnese (1630 – 1694) a voe c'hwec'hvet Dug Parma ha Piacenza adalek 1646 betek e varv, ha seizhvet ha diwezhañ Dug Castro etre 1646 ha 1649.
Mab henañ Odoardo Iañ Farnese ha Margherita de' Medici e oa.
Dimeziñ ha bugale kemmañ
Div wech e timezas Ranuccio II Farnese.
- d'an 29 a viz Ebrel 1660 da Margherita Violante Savoia, merc'h da Vittorio Amedeo Iañ, dug Savoia; mervel a reas tri bloaz goude, e 1663, o wilioudiñ, hag o eil bugel da-heul, marvet er gwilioud evel an hini kentañ;
- daou vugel marv-ganet o doe eta, e 1660 ha 1663.
- E 1664 ec'h addimezas d'e geniterv Isabella d'Este (1635-1666), merc'h da Francesco Iañ d'Este, dug Modena ha Reggio. Gant ar wreg e teuas, da lez Parma, mestr-chapel dug Modena ha Reggio, ar sonaozour Marco Uccellini. Tri bugel o doe:
- Margherita Maria (1664 - 1718), a zimezas e 1692 da Francesco II d'Este (1660-1694), dug Modena;
- Teresa (10 a viz Here 1665), leanez e kouent Sant'Alessandro, e Parma;
- Teresa Farnese (1665–1702), a zimezas e 1695 da Gustav II, Dug Merten.
- Odoardo II Farnese (1666-1693), ar mab gortozet da ren, a varvas a-raok e dad. Dimeziñ a reas d'ar gontez Dorothea Sophie von der Pfalz, ha tad e oa da Elisabetta Farnese, a vo rouanez Spagn.
- E miz Here 1668 ec'h addimezas Ranuccio da Maria d'Este, c'hoar d'e eil pried. Nav bugel o doe, darn a varvas en o bugaleaj:
- Isabella Francesca Maria Lucia (Parma, 1668 - Piacenza, 1718), leanez e kouent Santa Maria di Campagna e-tal Piacenza,
- Vittoria Maria Francesca (Parma, 1669 - Parma, 1671)
- ur mab (Parma, 24 Even - 28 Even 1671)
- div verc'h
- Vittoria (marv-ganet e Parma d'an 19 a viz Du 1672)
- Caterina (marv-ganet e Parma d'an 19 a viz Du 1672)
- Ur mab (marv-ganet e Parma d'an 26 a viz Kerzu 1672)
- Eleonora (Parma, 1675 - Parma, 1675)
- Francesco Farnese (1678-1727), dug Parma ha Piacenza adal 1694;
- Antonio Farnese (1679-1731), dug Parma adal 1727, e-pad pevar bloaz, diwezhañ dug Parma ha Piacenza eus an tiegezh Farnese.