Ryô Saeba
Ryô Saeba (冴羽 獠, Saeba Ryō), adanvet Nicky Larson er stumm galleg eus ar stirad tresadennoù-bev, zo un dudenn ijinet gant Tsukasa Hōjō e 1985. Er mangaioù City Hunter hag Angel Heart ez eo an haroz.
City Hunter kemmañ
Brudet eo dre e lesanv « City Hunter » (シティハンター, Shiti Hantā). Ober a ra eus e labour "naetaer" : difenn an dud (maouezed koant dreist-holl) rak tudennoù vil (yakuza, gorp-soudarded). E enebour pennañ a zo Umibôzu un den ramzel hanter dall. Sot eo gant ar merc'hed, ne baouez ket da verc'hetañ.
Armoù kemmañ
Arbennikaet eo Ryô Saeba war armoù a-bep seurt eus ar gontell stourm betek an danvezioù tarzh pe banner roketennoù. A-raok bezañ ar City Hunter eo bet ur vugel soudard en Amerika ar Su dre-se ez eo bet rediet deskiñ implij armoù a-bep seurt evit dreistbevañ. Ryô en deus un arsenailh ramzel en e zi: pistolennoù, fuzuilhoù arsailh, fuizuilhoù Mailh-tenner, mindrailherezioù, grenadennoù, banner roketennoù. Evit gourdoniñ e kaver ur stand tennañ didan ar skraper-oabl.
Arm pennañ ar City Hunter a zo ur C'holt Python .357 Magnum, kemmet gant Ken'ishiro Mashiba, ur saver armoù brudet eus Japan. En dougen a ra en un holster skoaz. Ne vez ket gwelet biken an haroz hep an arm-se.