Tenerife
Tenerife eo ar vrasañ eus an Inizi Kanariez, er Meurvor Atlantel, dirak aod Afrika, e dalc'h Spagn. Fuerteventura eo an eil vrasañ eus an enezeg.
Kêr Santa Cruz de Tenerife, 209 194 a dud enni e 2020, eo kêr-benn an enez, ha war un dro hini ar broviñs, hag ivez hini Kumuniezh emren Kanariez, war hanter gant Las Palmas de Gran Canaria.
Eil brasañ kumun an enez, ha trede hini Kanariez, gant 155 549 a dud (e 2018), eo San Cristóbal de La Laguna.
Istor kemmañ
Tenerife, evel Kanariez gwitibunan, a oa poblet gant Gwanched, Berbered anezho. Er XVvet kantved e oa Tinerfe o ren e Tenerife, pa rannas an enez etre e nav mab.
En 1483 e kodianas pobl Gran Canaria, an enez amezek, d'ar Spagnoled, ma chomas Tenerife an enez diwezhañ o stourm ouzh Kastilha.
- 31 a viz Mae 1494 : en inizi Kanariez : lazhadeget ar Gastilhaned gant ar Gwanched en Tenerife e La Matanza de Acentejo.
