The Pop Group
The Pop Group (1978-1981) a oa ur strollad post-punk eus Bristol (Rouantelezh-Unanet). Diheson e oa ar sonerezh savet gantañ, ennañ ur meskaj punk rock, reggae, dub ha free jazz. Lod brasañ komzoù ar c'hanaouennoù a oa politikel. E-touez ar strolladoù a zo bet levezonet gant The Pop Group e c'haller menegiñ Fugazi pe Rage Against the Machine[1].
Istor ar strollad kemmañ
Savet eo bet e 1978 gant Mark Steward (kan), John Waddington (gitar), Gareth Sager (gitar), Simon Underwood (gitar boud) ha Bruce Smith (taboulinoù ha binvioù-sko). Er bloaz goude e teuas er-maez o fladenn single kentañ, She is Beyond Good and Evil he zitl, embannet gant Radar Records.
O fladenn glok gentañ, Y he zitl, produet gant Dennis Bovell, a voe meluet gant ar vurutellerien, met ne reas ket kalz berzh. Rough Trade a zegemeras ar strollad memes tra. Dan Katsis a gemeras plas Underwood.
An dra gentañ a lakjont embann gant Rough Trade a voe ar bladenn single We Are All Prostitutes, kensavet gant ar soner violoñs Tristan Honsinger. E 1980 e teuas er-maez an albom For How Much Longer Do We Tolerate Mass Murder?, kensavet gant The Last Poets. Nepell goude-se e voe enrollet ur bladenn split asambles gant The Slits. Ar memes taboulinerez hag ar memes manager o doa an daou strollad (Christine Robertson hec'h anv). Dizemglevioù diabarzh ha kudennoù gwirel a lakaas ar strollad da baouez e 1981. An holl izili a stagas gant raktresoù all, Rip Rig & Panic, en o zouez.
Pladennaoueg kemmañ
- Y (albom, 1979, Radar Records ; adembannet e CD gant Radar e 1996 ha gant Rhino Records e 2007)
- She Is Beyond Good and Evil (single, 1979, Radar Records)
- For How Much Longer Do We Tolerate Mass Murder? (albom, 1980, Rough Trade, kenlabour gant The Last Poets)
- We Are All Prostitutes (single, 1980, Rough Trade Records)
- Where There's A Will... (single, 1980, Rough Trade [split gant The Slits: In the Beginning There Was Rhythm])
- We Are Time (albom, 1980, Rough Trade)
- We Are All Prostitutes (dastumadeg, 1998, Radar Records)
- Idealists In Distress from Bristol (dastumadeg, 2007, gwerzhet e Japan nemetken)
Notennoù ha daveennoù kemmañ
- ↑ (en)The Pop Group war Allmusic.
Levrlennadur kemmañ
- Martin Charles Strong, The Great Alternative & Indie Discography, 726 p., (ISBN 0862419131)
- Simon Reynolds, Rip it up and start again, Allia, 2007.[1] (ISBN 978-2-84485-232-8)