Yod kerc'h

• Evit ar gelaouenn, gwelet Yod-Kerc'h.

  ---

Yod kerc'h zo ur meuz a veze debret kalz gwechall e Breizh. Aozet e veze gant bleud kerc'h, holen ha laezh pe dour.
Gwechall e veze dav arsilañ ar bleud kerc'h da gentañ. Lakaet e veze da c'hlec'hiañ un nozvezh-pad da vihanañ, ha tamouezet goude. Poazhet e veze dre laezh pe zour. Er gaoter e veze troet ar yod gant ur vazh graet evit se, ar vazh-yod. Bremañ e vez kavet yod kerc'h prest er stalioù.
Debret e vez gant un tamm amann teuz. Sistr pe laezh ribot a ever da heul peurliesañ.

Fardañ yod kerc'h

• 
  Bleud kerc'h zo bet lakaet da c'hlec'hiañ e-pad an noz. Ur banne bier zo bet ouzhpennet evit lakaat da c'hoiñ.
• 
  Bleud ha dour zo o vont da vezañ silet.
• 
  Silañ yod gant ur sil tanav.
• 
  Ar gwaskin eo ar brenn kerc'h a veze roet d'ar moc'h en deiz war-lerc'h.
• 
  An dour ha bleud kerc'h zo lakaet war an tan. Gant ar vazh-yod e vez mesket.

• 
  Mesket e vez gant ar vazh-yod e-pad tri c'hardeur.
• 
  Fetisaat a ra ar yod bep a damm.
• 
  Fetis-mat eo ar yod, prest da vezañ tennet diwar an tan.
• 
  Ouzh taol !

Sellit ouzh ar ger Yod kerc'h er
wikeriadur, ar geriadur frank.