Judog(Daveoù a vank), pe Yuzeg[1], (war-dro 670) a oa ur sant brezhon er VIIvet kantved, breur da Yezekael, roue Domnonea.
Bevañ a reas e Breizh da gentañ, hag e Pikardi goude, ma'z eo anavet evel Saint Josse.

Sant Yuzeg, hervez Mestr Meßkirch.
Sant Yuzeg (Jodokus), (e 1889) gant Moriz Schlachter, en iliz St. Christina, e Ravensburg.

Gerdarzh kemmañ

E latin e oa Judocus e anv, diwar an anv henvrezhonek Iudoc, savet diwar an henvrezhoneg iud, aotrou. E brezhoneg e reer ivez gant ur stumm bremanekaet Yuzeg.
E galleg e kaver Judoce ha Josse. Diwar e anv gallekaet Josse eo e teufe Jocelyn, Jocelyne, Josselin, Josseline, ha Josquin, Jospin(Daveoù a vank).

E vuhez kemmañ

Pa varvas Yuzhael, roue Domnonea, e voe roet ar gurunenn d'e vab henañ Yezekael. Met hennezh, evit abegoù politikel pe relijiel, a lezas ar rouantelezh gant e vreur Judog. Judog avat a gave gwell ar vuhez relijiel.

Dilezel a reas ar gurunenn ha kuitaat Breizh evit gellout bevañ ar vuhez a vanac'h. Mont a reas da-heul pirc'hirined a oa o vonet da Roma. War o hent en em gavont war lez ar stêr Authie, ha degemeret int gant Haymon, kont pe gouarnour Ponthieu: ne lez ket Judog da vont, ha chom a ra ar sant er vro. Sevel a ra ur peniti war lez an Authie, ha goude war lez ar stêr Canche. Goude-se e sav ur manati. Neuze ez a da Roma.
Pa zistroas e chomas er c'hornad nepell diouzh an aod ma savas div chapel e-unan, an eil da sant Pêr hag eben da sant Paol. Eno e varvas d'an 13 a viz Kerzu 669. Beziet e voe en e beniti.

Diazezet en deus meur a abati en Hanternoz Bro-C'hall. Kalz a vurzhudoù a c'hoarvezas war-dro e relegoù hervez ar gristenion. Paeron eo da barrezioù Lohueg (diwar Lok-Yudeg, e-kichen Kallag), Sant-Yuzeg e-kichen Evrann, hag Eviaz e-kichen Pempoull.

Lidet e vez d'an 13 a viz Kerzu.

Kehelerezh kemmañ

Displeget eo bet buhez ar sant el lodenn ouzhpennet d'al Légende dorée skrivet war-dro 1260 gant Jacques de Voragine, arc'heskob italian e kêr Genoa. Savet e oa bet al lodenn ouzhpennet-se gant Dom Jean Mabillon (1632/1707), a oa ur manac'h desket-bras en abati Saint-Germain-des-Prés e Pariz.

Kantik kemmañ

Ur c'hantik da sant Judog a vez kanet e pastell-vro Montreuil-sur-Mer da-geñver prosesionoù hag a zo anavezet madik pa'z eo bet enrollet gant sonerien an tolead: Bons z'enfants d'Etaples, Patrick Denain, Soleils Boulonnais, Cap'Trad, Marc Gosselin...

Lec'hanvadurezh kemmañ

 
Peulvan kristenaekaet Sant-Uzeg

  Breizh kemmañ

  Bro-C'hall kemmañ

Er Pas-de-Calais

  Belgia kemmañ

Levrlennadur kemmañ

  • Ur pennad a zo diwar-benn Lohueg (gerdarzh) hag orin ar sant patrom Yuzeg e Barr-Heol, niv. 87, p.19, 1975.

Pennad kar kemmañ

Notennoù ha daveoù kemmañ

  1. Barr-Heol, 1975, niv.87, p.19