Égypte : 1156 av. J.-C. - L'Énigme de la tombe royale
Égypte : 1156 av. J.-C. - L'Énigme de la tombe royale ("Egipt : 1156 kt JK - kudenn ar bez roueel") zo ur c'hoari video savet gant Cryo Interactive hag embannet e 1997.
| É G Y P T E | |
|---|---|
| Embanner | Cryo Interactive Canal+ Multimedia Réunion des musés nationaux |
| Diorreer | Cryo Interactive |
| Diazez | PC: Windows, Macintosh Sony PlayStation |
| Deiziad an embann |
1997 |
| Doare | Troioù-kaer |
| C'hoarierien | 1 |
| Mediom | CD-ROM |
| Reoladur | Klavier/logodenn Dornell |
Sinopsiz kemmañ
Peogwir eo bet tamallet d'e dad bezañ preizhet bez ar faraon Seti Iañ ez enklask Ramose, un teban yaouank, evit e wennañ.
Diouzh noz en em gav dirak bez ar faraon, ha gant harp darn eus ar skipailh a vez o kleuziañ hag o kinklañ ar bez e kav ur maen, warnañ un tres eus ar bez ha skeuden ur marmouz ; arouez Hori, unan eus an dreserien o deus labouret er bez, eo ar marmouz-se.
Mont a ra Ramosé da enklask e Set Ma'at her imenty Ouaset, kêriadenn an artizaned a labour e bezioù ar faraoned, da welet Hori ; siwazh, marv eo hennezh, muntret en e gav. Diwar ar prouennoù a gaver war lec'h ar muntr e tamaller an torfed d'ur c'halvez a zo aet da stal-labour ar valzamerien.
Antronoz e ya Ramose d'ar stal-se, ma tizolo un irienn ledanoc'h. Dre widre e teu a-benn da dremen evit unan eus ar gavailherien. Ganto ec'h eo ambrouget betek ur bez ma c'hoarvez obidoù un denjentil.
Diskenn a ra Ramose er gambr-vez m'en em gav enmuret, met dont a ra a-benn da ziflipañ dre ur riboul a gas d'ur bez all a zo war sevel evit un denjentil all, Panehesy e anv ; eno ez eus ul leñverez ouzh e c'hortoz. Kaset eo Ramose ganti betek kenkiz an denjentil, en deus aozet ur gouel bras.
Dre c'hoari ar c'houviad e teu Ramose a-benn da gavout un tres eus sal peuliaouk azeuldi Ra e Karnak. Goude-se e tiflip a-zirak fulor Panehesy.
En azeuldi e tizolo tammoù eus ar preizh, ha teulioù a daol ar bec'h war Ptahnefer, un den tost d'ar faraon. Didamallet eo e dad neuze.
Gweladenn ha holloueziadur kemmañ
Er mod "gweladenn" e c'heller furchal al lec'hioù en ur c'hellout dastum ditouroù diwar-benn Egipt mar kliker pa dro al linker da bik-goulennata. Dre-se e c'haller tizhout un diaz-ditouroù a zo rannet e pemp rummad : an Douar, an Amzer, an Dud, Faraon hag an Doueed. Ur pennad berr hag ur skeudenn zo war pep fichenn.
Gameplay hag endro kemmañ
Evel ar c'hoarioù Versailles ha Chine ec'h eo Égypte savet gant an deknologiezh "Omni 3D" a ro tro da welet an endro war 360° pa chomer difiñv en ul lec'h.
Sonerezh Egipt a-vremañ a ya d'ober son ar c'hoari (Egypt : Music of the Nile from the Desert to the Sea, Virgin Records, 1997).