6vet lu (Werhmacht)
Ar 6vet lu (anv leun 6. Armee/Armeeoberkommando 6 (AOK 6)) a oa ul lu eus ar Wehrmacht alaman e-pad an Eil Brezel-bed. Gwallvrudet eo chomet al lu-se dre ma oa bet peurzistrujet gant al Lu Ruz e-pad Emgann Stalingrad (1942/43). Gwallvrudet eo ivez evit bezañ bet kiriek da galz torfedoù-brezel (evel lazhadeg ouzhpenn 30000 yuzev e Babi Yar) hag a voe sevenet dindan urzhioù ar Marechal Walther von Reichenau e-pad an Oberiadur brezel Barbarossa e 1941.
Emgann Stalingrad kemmañ
- Pennad spisoc'h: Emgann Stalingrad
Kodianet en doa ar 6vet lu etre an 31 a viz Genver hag an 2 a viz C'hwevrer 1943. Ar c'holloù alaman a oa bet 147 200 lazhet ha gloazet gant 91 000 prizoniet. Ar Feldmarschall Paulus, 24 jeneral ha 2500 ofiser a renk izeloc'h a oa e-touez anezho. N'eus nemet 5000 anezho a zo distroet goude ar Brezel.
Torfedoù-brezel kemmañ
An torfedoù-brezel sevenet gant al lu-se a zo liammet-tre gant spered ar penn ofiser Walther von Reichenau. Un Nazi strizhkredour e oa eñ. Evitañ evel ma oa embannet gant Hitler ha pennoù-uhel an Oberkommando der Wehrmacht (OKW), ar brezel war Talbenn ar Reter a oa ur groaziadeg gouennelour ha politikel. Pal diazez ar brezel-se a oa lazhadegañ ar yuzevien gwelet evel enaouerien an dizurzh dre ar bed.
Pennoù kemmañ
Ofiserien penn war an talbenn
- Marechal Walther von Reichenau (10 a viz Here 1939 – 29 a viz Kerzu 1941)
- Marechal Friedrich Paulus (30 a viz Kerzu 1941 – 31 a viz Genver 1943)
- Jeneral Karl-Adolf Hollidt (5 a viz Meurzh 1943 – 7 a viz Ebrel 1944)
- Jeneral Maximilian de Angelis (8 a viz Ebrel 1944 – 16 a viz Gouhere 1944)
- Jeneral Maximilian Fretter-Pico (17 a viz Gouhere 1944 – 22 a viz Kerzu 1944)
- Jeneral Hermann Balck (23 a viz Kerzu 1944 – 8 May 1945)
Ofiser uhel
- General Arthur Schmidt (15 a viz Mae 1942 – 3 a viz C'hwevrer 1943)