An ti Satanazet

An Ti satanazet zo ur romantig brezhoneg gant Jakez Riou, savet etre 1930 ha 1931 hag embannet en ul levr e 1944 gant Skridoù Breizh.

Istor

Er gazetenn bemdeziek Le Courrier du Finistère, e 1930 ha 1931, an hini eo e oa bet embannet, da gentañ-penn, an ugent pennad a ya d'ober troioù-kaer an daou genderv-kompez Job ha Lom.

Adembannadurioù

Adembannet e voe ar skrid e stumm ul levrig, kant teir fajenn ha tregont ennañ, – An ti Satanazet an titl anezhañ – gant Skridoù Breizh e 1944 ; skeudennaouet e oa bet gant Pierre Péron. Adembannet e oa bet al levr e miz Gwengolo 1999 gant Brud Nevez hag e miz Gwengolo 2012 gant An Alarc'h embannadurioù.

Ar romant

Emañ Job ha Lom o chom e kêr Lanurgad ha krediñ a ra dezhe eo beuzet Herri, o eontr. Ha diwar neuze ne bado ket an daou istrogell gant ar c'hoant lakaat o c'hrabanoù war an hêrezh... evit d'o moereb bezañ bev c'hoazh ha yac'h-pesk.

Ar pennadoù

Setu an ugent pennad :

• Raklavar
• Daou istrogell
• Meû-eûh !
• O ! moereb, moereb muiañ-karet...
• Evel e rimadell ar gazeg wenn
• Falz an dic'harzher
• Teñzor burzhudus Beg-ar-C'hraneg
• Al loar he sklerijenn gamm
• Litanioù an diaoul
• Ar c'hazh gouez
• An daou gilhog-raden
• An Anken e kalon ar baotred
• Ar spont a ren
• Satanazet !... Ar c'hleñved dañjerus !...
• Un afer fall
• Un afer falloc'h c'hoazh
• Daou besketaer eus an dibab
• Bodadeg vras e Landremel hag en hent war-du Karreg-al-Louarn
• An emgann etre ar marichal ha Satanaz
• D'ar Gwener c'hoarzhadeg, d'ar sadorn leñvadeg

Liamm diavaez

• Le Trésor du breton écrit, B. Rouz, 06/11/2022