Anna Habsburg (1280-1327)

Ur pennad Anna Aostria zo ivez.

Ur pennad Anna Habsburg zo ivez.

Anna Habsburg, Anna Aostria, Anna von Österreich (1275/1280 e Wien - 19 a viz Meurzh 1327 e Legnica, Silezia), a oa ur briñsez aostrian eus an XIII^vet kantved, merc'h henañ Albrecht Iañ an Impalaeriezh santel hag e bried Elisabeth von Görz ha Tirol.

Anna von Österreich

Anna hervez ur skeudenn eus ar XV^vet kantved

He buhez

Ganet e oa Anna e Wien, ha hi an eizhvet diwar daouzek bugel.
E-touez he breudeur ha c'hoarezed e oa Rudolf Iañ Bohemia, Friedrich ar Melegan, Leopold Iañ, Dug Aostria, Albert II, Dug Aostria, Otto, Dug Aostria hag Agnes, Rouanez Hungaria, hag he c'hoar yaouankañ Gutta von Oettingen.

He zud-kozh a-berzh-mamm e oa Meinhard, Dug Karintia hag Elisabeth Bavaria, Rouanez Alamagn. A-berzh-tad e oa Rudolf Iañ Alamagn hag e bried kentañ Gertrude Hohenburg.

E-touez hec'h eontred ha moerebed e oa Rudolf II, Dug Aostria, Matilda, Dugez Bavaria, Klementia, Rouanez Hungaria ha Judith, Rouanez Bohemia.

Dimezioù ha bugale

Div wech e timezas Anna.

Kentañ pried

E 1295 e timezas e Graz da Herman, Markgrav Brandenburg-Salzwedel. Pevar bugel o doe :

• Jutta Brandenburg (1301–1353), hêrez Coburg, dimezet d'ar c'hont Henry VIII Henneberg ;
• Johan V Brandenburg (1302–1317), markgrav goude e dad, hogen marvet en krennard ;
• Matilde Brandenburg (marvet e 1323), dimezet da Henry IV ar Feal ;
• Agnes Brandenburg (1297–1334), hêrez Altmark, dimezet d'ar markgrav Waldemar Brandenburg (1281–1381) hag e 1319 d'an dug Otto Braunschweig-Göttingen (1290–1344).

E 1308 e varvas he fried Herman ; o mab Johan a gemeras e lec'h hogen yaouank e varvas.

Eil pried

E 1310 ec'h addimezas an intañvez Anna da Henryk VI Dobry (1294–1335), Dug Wrocław abaoe 1296. Teir merc'h o doe :

• Elisabeth Brieg (ca. {{1311]] – 20 C'hwevrer ? 1328), dimezet a-raok miz Genver 1322 d'an Dug Konrad Iañ Oleśnica ;
• Euphemia Brieg (Ofka) (ca. 1312 – ca. 1384), dimezet ca. 1325 da Bolesław an Henañ eus Niemodlin (Falkenberg) ;
• Margaret Brieg (ca. 1313–1379), abadez St. Clara e Wrocław (1359).

Mervel a eure Anna e 1327 e Legnica. Divugel ne oa hec'h intañv, hogen divab e oa. Dek vloaz goude, pa varvas Henryk, e voe enteuzet Wrocław e rouantelezh Bohemia.