Ar bodez
taolenn gant Edgar Degas
Ar bodez (Le tub e galleg) zo ul livadur diwar zorn al livour gall Edgar Degas, graet gant pastez-livañ e 1886, dezhi 60 cm x 83. Miret eo e mirdi Orsay e Pariz.
Gwelout a reer ur vaouez o walc'hiñ he c'hilpenn, en he stou en ur bodez. Meur a daolenn en deus graet Degas gant merc'hed en o noazh oc'h en em walc'hiñ.
Troc'het eo an daolenn e div lodenn, gant ar vaouez en tu kleiz, troet he c'hein ouzh an daol en tu dehoù. Bodet eo ar gened ha binvioù boutin ha displed an naetadurezh.