Armeoù Turkia
Armeoù Turkia, Türk Silahlı Kuvvetleri berraet en TSK, eo nerzhioù lu Republik Turkia. Rannet eo etre an tirlu, ar morlu hag an aerlu. Ar Jandarmiri hag ar warded-aod, pep hini anezho o vezañ fiziet ennañ galloudoù milourel ha polis, a zo suj d'an nerzhioù surentez diabarzh e-pad ar mareoù peoc'h, ha suj da Vinistrerezh an diabarzh. Pa vez mareoù brezel e vezont suj d'an tirlu ha d'ar morlu. Prezidant Turkia eo penn uhelañ an nerzhioù milourel.
