Arthur de Dieuleveult
Arthur Paul Marie de Dieuleveult (Dirinonn, 12 Meurzh 1884 - Dirinonn, 3 Gouere 1974) a oa un denjentil hag a voe maer Dirinonn e-pad ugent vloaz (1924-1944). Tomm e oa ouzh Breizh hag ar brezhoneg.
Reizh pe jener | paotr |
---|---|
Bro ar geodedouriezh | Frañs |
Anv-bihan | Arthur |
Anv-familh | de Dieuleveult |
Deiziad ganedigezh | 12 Meu 1884 |
Lec'h ganedigezh | Dirinonn |
Deiziad ar marv | 3 Gou 1974 |
Lec'h ar marv | Dirinonn |
Yezhoù komzet pe skrivet | brezhoneg, galleg |
Micher | politiker, skrivagner |
Karg | maer Dirinonn |
Ezel eus | Kevredigezh Vroadel Breizh |
Mont a reas e-barzh Kevredigezh Vroadel Breizh (Union Régionaliste Bretonne) a-raok ar C'hentañ brezel bed. E-pad ar brezel e kasas keleier eus an talbenn da Frañsez Vallée da embann e-barzh Kroaz ar Vretoned. E 1926 ez eas e-barzh Goursez ar Varzhed hag er bloaz war-lerc'h, e Goursez Lokmaria-Kaer, e voe anvet da varzh. War-dro 1930 e krouas ur strollad komedianezed da c'hoari pezhioù brezhonek. Mont a raent da c'hoari aliezik da vourkoù bihan Leon ha Kerne. E 1935 e voe goulennet outañ gant an aotrou Yann-Vari Perrot kemer penn ar Bleun-Brug. Neuze e tigoras e strollad c'hoariva d'ar baotred ivez ha d'ar strollad-se e roas an anv Strollad c'hoarierien ar Bleun Brug. Berzh a rae o fezhioù-c'hoari el lec'hioù ma vezent displeget, e Bro-Leon hag e hanternoz Kerne. Met e 1938 e tilezas e garg rener ar Bleun Brug.
Implijet en deus an anvioù-pluenn Ar Soudard Koz (evit ar pennadoù embannet gantañ da vare ar brezel kentañ) hag Arzur Breiz (e anv barzh er Goursez).
Levrlennadur kemmañ
- Ronan Caouissin, Bretons d'aujourd'hui, Éditions Ronan, 1936, pp. 203-213