Aucassin et Nicolette

Aucassin et Nicolette zo ur gontadenn c'hallek, pikardek kentoc'h, eus an XIIIvet kantved, hanter e komz-plaen, hanter e gwerzennoù, ur chantefable a vez graet eus se e galleg.

Aucassin et Nicolette. Eoullivadur gant Marianne Stokes (1855-1927)

An istor

Daou grennard en em gar : Aucassin, mab da gont Beaucaire, ha Nicolette, bet skrapet pa oa bihan gant ar Sarazined, ha gwelet evel ur sklavez, goude ma'z eo merc'h da roue Kartada.
Goude meur a wallabadenn ha tremen dreist d'ar spern e teuont a benn da zimeziñ.

Levezon

E 1780 e voe savet ur c'hoarigan e pevar arvest gant Michel-Jean Sedaine, ha André Grétry a aozas an tonioù, o treveziñ tonioù krennamzerel, ha ne reas ket berzh da neuze. Nav bloaz goude e voe adc'hoariet koulskoude.

Liammoù diavaez

• Pezh-c'hoari gallek modernaet anvet "Nicolette et Aucassin contre la méchante sorcière" gant an Troupe des Corps de Muses, diwar ar skrid kozh.
• Ar skrid gallek orin e Gallica
• Aucassin et Nicolette, chantefable e d-t-x.com (fr)