Bóand

Bóand pe Boinn eo doueez iwerzhonat ar stêr Bóinn, er Mide. C'hoar Befind eo hervez Lebor Gabála Érenn ha Táin Bó Fraích ha merc'h Delbáeth mab Elada ag an Tuatha Dé Danann. He gwaz eo Nechtan pe Elcmar hag he gwaz kleiz eo Dagda. Óengus eo he mab.

Gerdarzh

En Dinsenchas eo displeget he anv evel "buoc'h wenn" (en iwerzhoneg:'bó fhionn', en heniwerzhoneg: 'bó find'). El levr Douaroniezh, Ptolemaios a venneg eo anvet ar stêr Bouvinda [Βουουίνδα]. Ar stumm-se a c'hall dont ag ar c'hentkeltieg *Bou-vindā, "buoc'h wenn".