Begel

Ar begel, anvet ivez bouton-kof (pe umbilicus hervez al latin) zo ur gleizenn graet e kof ar vugale nevez-c'hanet pa vez troc'het kordenn ar begel. An holl vronneged o deus plakenta o deus ur begel. Ma vez gwelet splann gant ar bronneged a zo tud, war ar re all, a zo loened, ne vez nemet ul linenn disvlev.

Gant an dud ez eo pe evel un toullig, don a-walc'h a-wechoù, pe evel ur bos bihan. Peurvuiañ e vez disheñvel-mat stumm ha ment ha donder, ha dreist-holl neuz. Dre ma'z int kleizennoù n'int ket perzhioù a ouenn pe a wad. Servij a c'hallont da zisheñvelout gevelled mar karer, pa n'haller ket ober en un doare all. N'eus kemm ebet etre ar begelioù abalamour ma vije unan hini ur paotr hag egile hini ur plac'h a-hend-all.

Giz

Diouzh ar c'hiz eo ar begel er bloavezhioù 2000 evel biskoazh. Deuet ez eus ur c'hiz d'ar merc'hed yaouank, ha lod eus ar re gozh da-heul, da zispakañ o begel.

Da-heul giz an diwiskañ eo deuet hini an toullañ.

Skeudennoù

Begelioù bugale
Begel ur bugel 4 deiz. N'eo ket peurbare ar gouli.
Begel ur bugel 11 deiz. Peuzpare ar gouli.

Begelioù oadourien
Begel ur vaouez o tougen
Ne vez ket goullo toull ar begel atav.

Begelioù tud vras, toullet
Begel toull-didoull
Begel toullet, bravig outañ

Pennadoù kar

Toullañ ar begel