Benjamin Franklin (bet ganet d'ar 17 a viz Genver 1706 e Boston - marvet d'ar 17 a viz Ebrel 1790 e Philadelphia) a zo bet ur skrivagner, ur fizisian hag un diplomat amerikan. Kentañ kannad ar Rouantelezh-Unanet e lez roue Bro-C'hall eo bet. Labourer-spered klok ha frañmason (hengoun saoz) e oa. Ingaliñ a rae almanagoù e tiez paour trevadennoù saoz Amerika. E pep almanag e oa ur pennad diwar-benn ar brederouriezh hag ar skiantoù. Unan eus tadoù dizalc'hidigezh ar Stadoù-Unanet (1776) eo bet.