Ar benvegad koazhañ pe benvegad esmoriñ zo ur benvegad hag a dalvez d'ar c'horf da goazhañ boued.

benvegad koazhañ
class of anatomical entity, neural system type
Iskevrennad eusdigestive system, Benvegad, particular anatomical entity, human organ system, human anatomical structure Kemmañ
Rann euskorf an den Kemmañ
Implijdigestion Kemmañ
ArvezKorfadurezh denel Kemmañ
Lec'hhuman abdomen Kemmañ
Kavet en taksonHomo sapiens Kemmañ
Development of anatomical structuredigestive system development Kemmañ
Anaouder WordLifthttp://data.medicalrecords.com/medicalrecords/healthwise/digestive_system Kemmañ
ID en Thesaurus NCIC0012240 Kemmañ
Tikedenn Stack Exchangehttps://biology.stackexchange.com/tags/digestive-system Kemmañ
Benvegad koazhañ ar c'honikl

An dud hag al loened a denn o energiezh eus ar boued a vez debret ganto. Ar boued, ur wech lonket er genoù, a ya e-barzh ar c’horf dre ar benvegad koazhañ. Tremen a ra eus ar bouzelloù d’ar gwad hag a gas elfennoù magus d’ar c’horf a-bezh.

E-kerzh ar c'hoazhañ e vez dispennet ar boued e tammoù bihan. Komañs a ra an dispenn-se er genoù ha kendalc’het e vez a-hed ar benvegad koazhañ betek ar youlc’h.

Er genoù e talvez an dentj hag an teod da chaokat ar boued. An halv hag an enzimoù a vez mesket gant an tammoù boued. Goude e tremen e-barzh ar gorzailhenn.

Er stomog e vez dispennet ar boued gant heverennoù koazhañ. Enno ez eus trenkennoù hag enzimoù a zispenn protein ar c’hig, ar vioù, al laezh. Goude un nebeud eurvezhioù e vez treuzfurmet ar boued e youstenn, pe chim, hag a vez kaset e-barzh ar vouzellenn voan.

An duodenom, ar jejunom hag an ileon eo an teir lodenn eus ar vouzellenn voan hag a dap war-dro c’hwec’h metr hed. Heverennoù ar pankreas, ar bouzelloù hag ar vestl, enno enzimoù, a echu dispenn ar youstenn. Ur wech echu koazhañ ar boued e vez kaset ar maguzennoù e kement korn eus ar c’horf war-bouez ar gwazhied.

Ar sac'henn (ivez bouzellenn-dall) gant an divilhenn breñvek, ar c’holon-sav, -treuz ha -diskenn, hag ar youlc'h a ya d’ober ar vouzellenn dev. Honnezh a dap 1,5 metr hed. Gant labour bakteri er vouzellenn dev e vez stummet kaoc'h hag ar c’haoc’h a vez eztaolet e-maez ar c'horf dre ar youlc’h hag ar fraezh.

Benvegad koazhañ an den

1. Genoù
2. Staon
3. Hugenn
4. Teod
5. Dent
6. Gwagrennoù halv
7. Isteod
8. Isjaved
9. Kilvoc'henn

10. Gargadenn (farinks)
11. Treizher

12. Avu
13. Sac'h ar vestl (kellenn vestl)
14. Kan koledok
18. Bouzellenn voan
19. Daouzegenn (duodenom)
20. Yunegenn (jejunom)
21. Klunegenn (ileon)
22. Divilhenn breñvek
30. Fraezh

15. Stomog
16. Ilgreiz (pankreas)
17. Kan-ilgreiz
23. Bouzellenn dev
24. Kolon-treuz
25. Kolon-sav
26. Sac'henn (bouzellenn-dall)
27. Kolon-diskenn
28. Kolon sigmoid(ek)
29. Youlc'h