Boned Balmoral

Boned Balmoral, bet anvet boned Kilmarnock, zo ur boned skos e gloan, gant ur vechenn, hag a deufe eus ar XVI^vet kantved, hag a vez gwisket da Sul evel da bemdez. A-wechoù e vez ur seizenn marellet en-dro dezhañ, ha div seizenn a-istribilh en a-dreñv.

Boned Balmoral, du penn-da-benn.

Kasketenn, e doare boned Balmoral, gant al livioù marellet ruz ha gwenn tro-dro.

Kar eo d'an Tam o'shanter ha da voned Glengarry.

An anv

Anvet eo diwar-lerc'h Kastell Balmoral, perc'hennet gant an Tiegezh Roueel saoz abaoe dibenn an XIX^vet kantved.

Istor

Dont a rafe eus ur boned eus ar XVI^vet kantved, plat ha ledanoc'h, glas gwechall, gant ur seizenn marellet, ruz ha gwenn peurvuiañ.