Brezel Sina ha Japan (1937-1945)
An eil Brezel Sina ha Japan a grogas gant aloubadeg reter Sina gant arme impalaeriezh Bro-Japan. C'hwec'h vloaz goude aloubadeg Mandchouria, impalaeriezh Bro-Japan a zalc'he gant e bolitikerezh emledañ e Sina. Sur eus o chañsoù da echuiñ ar brezel buan ez eas ar Japaned betek ober ar raktres da c'hounit ar brezel en un nebeud sizunvezhioù[1] : daoust da drec'hioù kentañ Bro-Japan e padas ar brezel e-pad eizh vloaz. Rediet e oa an impalaeriezh da verañ un dachenn ec'hon ha na oa ket sur.
| Brezel Sina ha Japan (1937-1945) | |||||||||
|---|---|---|---|---|---|---|---|---|---|
 An takadoù dalc'het gant Impalaeriezh Bro-Japan e 1940 | |||||||||
| |||||||||
| Emgannerien | |||||||||
 Republik Sina Strollad komunour Sina.svg){kind=small} : Stadoù-Unanet  Unaniezh Soviedel.svg){kind=small} Republik pobl Mongolia |  Impalaeriezh Bro-Japan Manchoukouo Mengjiang.svg){kind=small} Gouarnamant kenlabourer Sina | ||||||||
| Pennoù-brezel | |||||||||
| Tchang Kaï-chek Yan Xishan Feng Yuxiang Li Zongren He Yingqin Chen Cheng Bai Chongxi Zhu De Peng Dehuai Mao Zedong Joseph Stilwell Claire Chennault Albert Wedemeyer | Hirohito Kotohito Kan'in Hajime Sugiyama Hideki Tōjō Shunroku Hata Yasuhiko Asaka Iwane Matsui Toshizo Nishio Yasūji Okamūra | ||||||||
| Niver a emgannerien | |||||||||
| 5 600 000, o kontañ arme ar Gomunourien | 4 100 000, o kontañ ar genlabourerien | ||||||||
| Kolloù | |||||||||
| 3 200 000 soudard, 17 530 000 sivil | 1 100 000 soudard | ||||||||
Tagadenn Bro-Japan a zegasas un dreverzh er Brezel diabarzh a enebe ar C'huomintang ha strollad komunour Sina abaoe dek vloaz. Sevel a reas an div gostezenn un eil talbenn unvan sinaat. Ar brezel etre Sina ha Bro-Japan a oa gwadek-kenañ, ha dilerc'hioù pounner en doe war istor Bro-Sina ha war ar c'hempouezioù geopolitikel eus al lodenn-se eus ar bed en degadoù bloavezhioù goude.
Adalek 1939 e krogas ar brezel d'en em ledañ e diavaez Sina, gant ar brezel etre Bro-Japan hag an URSS e Mongolia. Adalek 1941 en em renkas Republik Sina a-du gant ar Gevredidi. Brezel Sina a zeuas da vezañ en un doare ofisiel ul lodenn eus an Eil Brezel-bed.
Echuiñ a reas brezel Sina ha Japan pa godianas Bro-Japan e 1945, hag heuliet e oa gant adkrog ar brezel diabarzh e Sina.
NotennoùAozañ
- ↑ Lloyd E. Eastman, The Nationalist era in China, 1927-1949, Cambridge University Press, 1991, p. 123
Liammoù diavaezAozañ
- Brezel Sina ha Japan war ouhya.com