Digeriñ al lañser pennañ

Ar Brezel alaman (pe Deutscher Krieg, pe Deutscher Bruderkrieg, pe Deutsch-deutscher Krieg), pe Brezel ar Seizh Sizhun (Siebenwöchiger Krieg), eo ar brezel a c'hoarvezas etre Impalaeriezh Aostria ha Rouantelezh Prusia e 1866. Meur a anv zo bet roet dezhañ, hag ivez Brezel an Unvanidigezh (Einigungskrieg). Liammet eo ivez ouzh trede Brezel Dizalc'hted Italia.

Er brezel-se e voe barr ar stourm etre daou c'halloud, hini Aostria ha hini Prusia, a oa kroget e 1740, evit gouzout piv a vefe mestr war Alamagn. Kreñv e oa arme Prusia, modernaet, pourvezet mat, boas da vrezeliñ abaoe brezel an Dugelezhioù. Trec'h e voe prusia war gevredidi Aostria en emgann Langensalza (27 ha 28 Even 1866), ha war Aostria en emgann Sadowa d'an 3 a viz Gouhere 1866.


BrezelAozañ

 
Ar priñs Friedrich Karl Prusia (1828–1885) degemeret gant e soudarded.

Gant Aostria e oa he c'hevredidi eus ar C'hengevredad German hag e tu Prusia e oa un toullad amezeien vihan.

Gant ar brezel-se edo ar c'hendamouez en Alamagn en e varr uhelañ etre Prusia hag Aostria, abaoe 1740.

Un arme c'halloudus he devoa Prusia. Modern, pourvezet mat, gourdonet ivez gant brezel an Dugelezhioù.


Aostria an Tiegezh Habsburg-Loren a oa bet a-viskoazh ar vroad e penn an Impalaeriezh da gentañ , hag e penn ar C'hengevredad germanek goude, met adalek Nevezamzer ar Pobloù e savas bec'h etre Aostria ha Prusia, ar galloud nevez o kreskiñ gant hec'h arme hag hec'h ekonomiezh vodern. Mennet e oa Prusia, ur vro brotestant, gant he greanterezh hag he soudarded, da ren Alamagn unvanet dindani, hep Aostria, un impalaeriezh katolik kozh, bro labourerien-douar ha pobloù liesseurt, Slaved dreist-holl.