Chaluter

Ur chaluter (bag-chaluter a-wezhoù) zo ur vag-pesketa, ma vez stlejet er mor ur sac'h-drag, ur roued, war gostez pe a-dreñv ur vag pesketa pe gant div vag. An teknik pesketa-se a oa deuet war wel e deroù an XX^vet kantved hag implijet e vez kalz hiziv.

chaluter

watercraft type

Iskevrennad eus	bag pesketa

Istor

Ur chaluter er Gelveneg

Kentañ chaluter e Breizh e voe Kerino, ur vag dre-dan marilhet e porzh An Oriant e 1899. Klask a reas ar c'habiten gwerzhañ an taol-pesked e Konk-Kerne, met ne c'hellas ket e zilestrañ, pa voe huchet warnañ gant moraerien ar porzh.

Diorroet eo bet muioc'h-mui teknik ar sac'h-drag e-doug an XX^vet kantved, dreist-holl goude an Eil Brezel-bed, p'o deus klasket ar stadoù sevel ur greanterezh a bourvezfe kalz a voued aes. Brasoc'h-bras eo bet savet ar bagoù ken e teuent da vezañ listri graet e dir ha lusket gant kefluskeroù dre direoul. Hiziv e vez pesketaet an hanter eus ar pesked tapet er bed gant chaluterien. Listri-labouradeg a c'hell tretiñ ha dilestrañ miliadoù a donennadoù pesked en un taol.

Notennoù ha daveennoù

Porched ar Mor – Sellit ouzh pennadoù Wikipedia a denn da bed ar mor.