Charles Cornic du Chesne

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ

Charles Cornic du Chesne, ganet d'ar 5 a viz Gwengolo 1731 e Plouyann, ha marvet eno d'an 12 a viz Gwengolo 1809, a oa ofiser war vor ha kourser.

Charles Cornic du Chesne

Ganet e oa e kastell Susunioù e Plouyann (ur gumun enteuzet e Montroulez hiziv), ha pa oa paramantour e dad e krogas da verdeiñ evel mous war listri e dad. Pleustriñ a reas ar vicher pesketaer en Douar-Nevez.
Goude bezañ bet div wech prizoniad war bagoù kourserien ez eas e 1757 d'ofiser war vor evel letanant fourgadenn diwar an abeg m'en doa torret ar gronn-mor saoz (ar Brezel Seizh Vloaz a oa) ha degaset da Vrest ur gargad kanab prenet en Izelvroioù.

Ar brezel kourserezh a reas, ha tapout meur a lestr saoz karget gant danvezioù prizius eus an Indez. Evit an taolioù-kaer-se e voe anvet da gabiten lestr-taner e 1761 ha da kabiten lestr e 1778. Echu ar brezel e krogas gant sevel tresoù ar porzhioù en aodoù eus Brest da Enez-Vriad ha lakaat balizennoù e Bae Montroulez.

Pa voe anvet da goronal kanolierezh e Bourdel ez eas da du an Dispac'h gall hag e kuitaas ar servij e 1793. Distreiñ da Vontroulez a reas evit bezañ melestrer foran ha merour an traoù morel.