Club Atlético Peñarol

Club Atlético Peñarol zo ur c'hleub sportoù uruguayat bet krouet d'an 28 a viz Gwengolo 1891 e Montevideo (Uruguay), Central Uruguay Railway Cricket Club (CURCC) an anv anezhañ er penn kentañ. Degemeret e voe ar vell-droad e 1892 e-touez ar sportoù kinniget.

Skoedig Peñarol (1913).

D'an 13 a viz Kerzu 1913 e voe cheñchet anv ar c'hleub e CURCC Peñarol a-raok mont da gClub Atlético Peñarol d'an 12 a viz Meurzh 1914 da vat.

Meur a lesanv a zo bet roet d'ar c'hleub a-hed e istor : Aurinegros, Carboneros, Manyas, Mirasoles.

C'hoari a ra e grogadoù en Estadio José Pedro Damiani (skipailhoù re yaouank) hag en Estadio Centenario (krogadoù Primera División).

C'hoarierien vrudet

Pemp c'hoarier eus Peñarol — Peregrino Anselmo, Miguel Capuccini, Lorenzo Fernández, Álvaro Gestido, Carlos Riolfo — a oa perzh eus an dibab uruguayat pa'z eas ar maout gantañ da-geñver Kib vell-droad ar bed 1930.