Der Struwwelpeter

Der Struwwelpeter zo ul levr alamanek evit bugale, embannet e 1845, skrivet gant ur bredvezeg alaman, Heinrich Hoffmann (1809-1894), eus Frankfurt.

Der Struwwelpeter (Embannadur 1858)

Danvez

Al levr zo anezhañ dek kontadenn e stumm fablennoù gant klotennoù (n'haller ket komz eus barzhoniezh) evit bugale, ha skeudennoù e liv war bep pajenn. Ur gentel zo e pep kontadenn, da ziskouez e c'hoarvez droug atav d'ar vugale fall ha disent war un ton sarmon damfentus. Dont a ra titl al levr eus ar gontadennig kentañ, Struwwel-Peter, a c'hallfe bezañ Pêr Diskramailh ma vefe lakaet e brezhoneg.

An istorioù

Nikolas, o vont da lakaat bugale en ur podad liv du. Skeudenn eus embannadur 1917.

1. "Struwwelpeter" zo ur paotr re hir e vlev hag e ivinoù.
2. "Die Geschichte vom bösen Friederich" (Istor Friederich), a gont istor ur paotr drouk hag a sko gant al loened. Dantet eo gant ur c'hi hag a zebr e silzigenn, ha ret dezhañ chom en e wele.
3. "Die gar traurige Geschichte mit dem Feuerzeug" (Istor spontus an alumetez), ur plac'h a c'hoari gant alumetez ha mervel a ra en tan .
4. "Die Geschichte von den schwarzen Buben" (Istor ar Baotred du), "Nikolas" a dap tri faotr o wallgas ur bugel du. Da zeskiñ drezho e soub anezho en ur podad liv du.
5. "Die Geschichte von dem wilden Jäger" (Istor ar chaseour gouez). Ur c'had a laer fuzuilh ar chaseour, hag a glask tennañ warnañ. Ar chaseour a gouezh en ur puñs.
6. "Die Geschichte vom Daumenlutscher" (Istor ar paotr a chute e viz). Ur vamm a lavar d'he mab paouez a chutal e viz. Koulskoude, kenkent ha kuit ar vamm e kêr ec'h adkrog ar bugel da chutal e veud. Pa zegouezh ur c'hemener gant e sizailh e troc'h e veudoù.

1. "Die Geschichte vom Suppen-Kaspar" (Istor Kaspar hag e soubenn). Augustus, paotr yac'h ha kreñv a lavar ne zebro ket e soubenn ken. Ken e varv.
2. "Die Geschichte von Hans Guck-in-die-Luft" (istor Yann savet e fri) zo diwar-benn ur paotr ha ne sell ket pelec'h e kerzh.
3. "Die Geschichte vom fliegenden Robert" (Istor Robert), Robert zo er-maez dindan ar barramzer. Kaset eo gant azn avel, krog en e zisglavier.

Zappel-Philipp. Skeudenn eus embannadur 1845.

Troidigezhioù

Troet eo bet e meur a yezh.

• E galleg eo bet lakaet gant François Cavanna, embannet gant L'école des loisirs.
• Ur pennad eus al levr e brezhoneg : https://www.blogger.com/blogger.g?blogID=1662898353661618344#editor/target=post;postID=5420155873753925274;onPublishedMenu=publishedposts;onClosedMenu=publishedposts;postNum=0;src=postname

Mirdi

Ur mirdi zo bet savet d'ar Struwwelpeter e Frankfurt.

C'hoariva

C'hoariet ez eus bet meur a arvest tennet eus al levrig, ha filmoù zo bet ivez.

Skeudennoù

• 
  Golo orin al levr
• 
  Rakskrid
• 
  Der Struwwelpeter

• 
  Struwwelpeter
• 
  Timbr da lidañ 200 vloaz ganedigezh Hoffmann

Liammoù diavaez

• Struwwelpeter (Wikisource alamanek)
• The Project Gutenberg EBook of Struwwelpeter (Troidigezh e saozneg)