Sylvanus Olympio : diforc'h etre ar stummoù

E 1958 en em gavas Olympio Kentañ Ministr goude ma voe aozet dilennadegoù a-benn nevesaat Bodadenn Togo. D'ar c'houlz-se e oa Togo un tiriad e dalc'h ar [[Broadoù Unanet]] ha fiziet e velestradurezh e [[Bro-C'hall]]. C'hoantoù Olympio a oa mont war-zu an dizalc'hiezh ha derc'hel darempredoù mat gant Bro-C'hall evit bezañ skoazellet a-enep mennozhioù [[Kwame Nkrumah]], prezidant [[Ghana]], hag a oa e soñj da stagañ Togo ouzh e vro evit adunaniñ ar bobl [[Ewe]]. Goude dizalc'hiezh Togo e voe Prezidant kentañ ar Stad nevez adalek an 9 a viz Ebrel 1961: trec'h e voe war [[Nicolas Grunitzky]] en dilennadeg. E-touez prezidanted Stadoù nevez dizalc'h [[Afrika]] bet trevadennet gant Bro-C'hall e oa Sylvanus Olympio ur politikour dibar dre na oa na gallgar evel [[Félix Houphouët-Boigny]] na gallgas evel [[Ahmed Sékou Touré]].

 

 

==Daveennoù==