Breizh-Uhel : diforc'h etre ar stummoù

'''Breizh-Uhel''' eo an anv roet a gozh da reter [[Breizh]]. Graet e vez "Gorre-Breizh" anezhi ivez. Enebet e vez ouzh [[Breizh-Izel]].

Ur ster yezhel a roer d'an anv alies: bez' e vije ar vro ma ne gomzer ket [[brezhoneg]], e-skoaz Breizh-Izel e vije bro ar brezhoneg.

Da neuze e c'haller teurel evezh:

*ne oa ket [[Bro-Naoned]] e [[Breizh-Uhel]] penn-da-benn, pa veze komzet brezhoneg e korn-bro Gwenrann;

*heñvel gant [[Bro-Sant-Brieg]], pa vez komzet brezhoneg er c'huzh-heol anezhi, e [[Goueloù]], ;

*ne oa ket [[Bro-Gwened]] e Breizh-Izel penn-da-benn pa vez komzet galleg er sav-heol anezhi a bell zo.

* ne rafe Breizh Uhel nemet kreskiñ, ha Breizh-Izel nemet koazhañ, ken e rankfe bezañ erru Breizh-Uhel en Eusa a-benn bremañ.

E kanaouennoù zo ez eus kaoz eus mont da lec'h pe lec'h eus Breizh Uhel da zeskiñ [[galleg]]. E-touez ar muntroù tamallet da [[Jili Raez|Gilles de Rais]] e-kerzh e brosez e oa hini ur c'hrennard a oa deuet eus Breizh-Izel d'ar [[Bourc'hnevez-Raez|Vourc'h-Nevez]] da zeskiñ galleg.