Luc'heilerez : diforc'h etre ar stummoù

'''Graet e vez luc'heilerez eus un [[ardivink]] a dalvez d'an dud d'ober [[luc'heilenn|luc'heilennoù]]'''. Arveret e vez e meur a lec'h ([[skol|skolioù]], [[ti-kêr|tiez-kêr]], [[embregerezh|embregerezhioù]] ha kement zo) da gaout eilennoù peurheñvel war (unan pe vuioc'h) eus ur pezh orin, un [[teul]] [[paper]] moullet traoù warnañ.

Gwechall e veze graet gant luc'heilerezioù [[treloc'h]]el nemetken a yae en dro gant [[enkr]], pe [[huz]], [[dourenneg]] da voullañ. Da c'houde int aet da vezañ [[tredan]]el evel ar peurvuiañ eus an ardivinkoù arnevez gant meur a [[amredad]] [[elektronek]] o kemer muioc'h mui o flas enne ivez betek merañ an [[argerzh]] mont en dro a-bezh bremañ. Hag abaoe meur a vloavezh e vez implijet [[huz poultr]] da voullañ, paket hiviziken e-barzh [[karitell|karitelloù]] aezet da gemmañ pa vezont toull.

Evel-just, bremañ hag abaoe deroù ar bloavezhioù 1980, ez eus tu da vihanaat ha da vrasaat ur pezh orin o tremen da skouer deus ur vent [[ment A4|A4]] da [[ment A3|A3]], pe ar c'hontrol. Posupl eo kement-mañ dre lakaat ur werenn a-ziavaez (objektiv) o fiñval hedek ouzh ar skinoù. E-giz-se e vez bihanaet pe brasaet ar skeudenn war ar melezour 'zo dres a-dreñv.

 

 

 

 

== Dibarzhioù ==

 

Estreget ober luc'heilennoù eeun e kinnig al luc'heilerezioù doareoù emgefreek d'eeunaat ar c'henderc'hañ (ar produiñ) skouerennoù teulioù a bep seurt : follenn moullet war an daou du, teul liesfollenn ...Hag ivez renkañ al luc'heilennoù o tispartiañ bep skouerenn eus un teul liesfollenn. D'ober al labour-se, e c'hellomp menegiñ un nebeud dibarzhioù a vez kavet gwell alies gant an ardivinkoù luc'heilañ.

[[is:Ljósritunarvél]]

[[it:Fotocopiatrice]]

[[ja:複写機]]

[[kk:Көшіргіш қүрылғы]]