[[Skeudenn:LocationIslandGreatBritain.png|thumb|250px|Emañ Breizh-Veur etre [[Iwerzhon]] ha douar-bras Europa.]]
'''Breizh-Veur''' ([[gouezeleg Skos]]: ''GreatBreatainn BritainMhòr'', e[[kembraeg]]: ''Prydain Fawr'', [[kerneveureg]]: ''Breten Veur'', [[saozneg]] ''Great Britain'') zo un enezenn eus [[Europa]]. An hini vrasañ eo e-touez inizi Europa. Pa weler an traoù ent-politikel e vez staget outi an inizi nes ([[Enez Mon|Môn]], [[Inizi Gall]], [[Wight]]...) hag ez a d'ober un hollad anvet "Breizh-Veur" ivez. Meur a vro a gaver enni : [[Bro-Saoz]], [[Kembre]] ha [[Bro-Skos]]<ref><small>[[Kernev-Veur]] a vez sellet outi evel ur vro distag diouzh Bro-Saoz gant Kerneveuriz alies, met ent-ofisiel n'he deus tamm anaoudegezh disparti ofisiel ebet.</small></ref>. Asambles gant [[Hanternoz Iwerzhon]] ez a d'ober ur stad anvet [[Rouantelezh Unanet Breizh-Veur ha Norzhiwerzhon]] pe, berroc'h, ar Rouantelezh Unanet.
Gorread Breizh-Veur en he fezh zo 229.335 km<sup>2</sup>. Hervez sifroù ofisiel gouarnamant ar Rouantelezh Unanet [http://www.statistics.gov.uk/glance/default.asp], e oa, e [[2001]], 57 103 927 a annezidi e Breizh-Veur (Bro-Saoz 49 138 831 ; Bro-Skos 5 062 011 ; ha Kembre 2 903 085).
