Diforc'hioù etre adstummoù "Kroaziadeg ar Vugale"

Diverradenn ebet eus ar c'hemm
(Pajenn nevez : thumb|''La croisade des enfants'', engravadur gant [[Gustave Doré]] '''Kroaziadeg ar Vugale''' eo an anv a roer d’un...)
 
Meur a dra a gonter diwar-benn ar groaziadeg-se ha breud zo war an darvoudoù-se e-touez an [[istorour]]ien, met elfennoù boutin zo d’an istorioù diseurt a gonter : ur [[paotr]]ig, e [[Bro-C'hall]] pe en [[Alamagn]], en doa bet [[gweledigezh]]ioù ha lavaret e oa bet dezhañ gant [[Jezuz]] mont d’an Douar Santel da zieubiñ al lec’hioù sakr ha distreiñ ar [[Islam|vuzulmiz]] ouzh ar [[Kristeniezh|gristeniezh]] ; miliadoù a [[bugel|vugale]] a oa bet bodet gantañ hag a oa bet o kerzhet trema [[Italia]] hag ar [[Mor Kreizdouar]] ; echu e voe gant ar groaziadeg pa voe gwerzhet ar vugale-se da [[sklav]]ed e [[Tunizia]].
 
Soñjal a ra d’an darn vrasañ eus an istorourien bremañ ne oa ket bet ur ''Groaziadeg ar Vugale''. Moarvat eo diazezet an istor-se war bandennadoù tud paour o kantreal en Alamagn hag e Bro-C’hall er [[Krennamzer|Grennamzer]], ha lod anezho o klask mont d’an Douar Santel tra ma oa lod all naha ne glaskent tamm ebet mont di. Diazezet eo an anv « Kroaziadeg ar Vugale » war an anvadur latin ''Peregrinatio Puerorum'', ennañ ar ger « ''pueri'' », a c'hallfe talvezout kement ha « bugale Doue » pe « peorien ». Er bandennadoù « kroazidi »-se e vije bet tud paour neuze, kentoc’h eget bugale.
 
Er Grennamzer e reer anv eus kroaziadegoù all ivez a oa bet graet gant tud eus ar bobl naha ne oant ket renet gant uhelidi, evel da skouer [[Kroaziadeg ar Vesaerien]], e [[1251]] hag e [[1320]].
 
[[Rummad:1212]]
183 661

modification