.bzh : diforc'h etre ar stummoù

Endalc’h diverket Danvez ouzhpennet
Linenn 4:
Er bloaz 2004 e oa bet roet lañs, gant [[Christian Ménard]], kannad eus [[Penn-ar-Bed]], d’ar soñj sevel un astenn kenrouedad .bzh<ref>http://www.christian-menard.com/article.php?art=21</ref>. Goude krouidigezh ar [[.cat]], an astenn kenrouedad evit kumuniezh yezh ha sevenadur [[Katalonia]], e oa adlañset ar soñj eus un astenn evit [[Breizh]]. A drugarez d’ar sinadeg aozet gant lec’hienn Mikael Bodlore-Penlaez Geobreizh.com<ref>http://www.geobreizh.com</ref> ez eus bet roet ul lusk kentañ d’ar mennozh. Goude-se o deus votet meur a strollegezh lec’hel mennadoù a-du gant ar raktres. A-unvouezh o deus roet Kuzul-meur [[Il-ha-Gwilen]] ([[14 a viz Ebrel]] [[2006]]), Kuzul rannvro [[Breizh]] ([[14 a viz Mezheven]] [[2006]]), Kuzul-meur [[Penn-ar-Bed]] ([[15 a viz Mezheven]] [[2006]]) o harp da grouidigezh an astenn .bzh.
 
E [[2007]] en deus karget Kuzul rannvro [[Breizh]] ar gevredigezh Breizh Diawel da gas da benn ur studiadenn greüsted hag ivez aozañ ul luskadeg en-dro d’ar raktres. Goude ar studiadenn-mañ e oa bet krouet ur gevredigezh nevez (d'ar [[16 a viz Gouere]] [[2008]], [[David Lesvenan]] he frezidant kentañ), dindan renerezh ur poellgor sturiañ gant an holl re o doa kemeret perzh e brudañ ar .bzh, evit dougen kinnig Breizh da gaout hec'h astenn kenrouedad.
 
Karget eo eta ar gevredigezh www.bzh da sevel an teuliad emginnig, dastum an arc’hant ret evit ma vo degemeret an teuliad-se ha brudañ ar .bzh e-mesk kumuniezh ar Vretoned. E [[2008]] he deus bet ar gevredigezh ur skoazell-arc’hant gant [[Kuzul rannvro Breizh]]. Evit ar poent he deus tapet ar sinadeg kaout en tu-hont da 18 500 a dud.
 
== Mammennoù ==