Deiziadur : diforc'h etre ar stummoù

Un '''deiziadur''', anvet ivez '''kalander''' (ger dispredet bremañ), a zo ur reizhiad hag a dalvez da aozañ an deizioù a-hed an amzer evit abegoù kevredigezhel, relijiel, armerzhel pe melestradurel. Roet e vez anvioù pe niverennoù da brantadoù amzer, ar re bennañ eo an [[deiz]]ioù, ar [[sizhun]]ioù, ar [[miz]]ioù, hag ar [[bloaz]]ioù. An anv a roer d'un deiz resis eo an [[deiziad]]. A bep seurt reizhiadurdoareoù deiziaduriñ a zo bet en implij a-hed an Istor.

Diwar ar ger [[deiz]] e teu ar ger '''deiziadur''', muigant an dibenn ''(i)adur'' a gaver e meur a c'her (geriadur, yezhadur, bloaziadur...), hag ar ger ''kalander'' a zeu-eñ eus al latin ''calendae'', a dalveze d'ober anv eus devezh kentañ bep miz. Adkavet e vez ar ger-se e troiennoù evel: [[Kalanna]], [[Kala-Mae]], Kala-hañv, [[Kala-goañv]]...