Christian Wulff : diforc'h etre ar stummoù

E dibenn [[2011]] e voe liammet e anv ouzh hini Egon Geerkens, hag eñ den a afer eus [[Saks-Izel]]. E miz C'hwevrer 2010 e lavaras Wulff el ''[[Landtag]]'' nen doa liamm ebet gant Geerkens. Koulskoude en doa bet ar c'houblad gwir da gaout un amprest a 500 000 [[euro]] a-berzh Edith Geerkens, ha hi gwreg Egon. Nepell goude en doa Wulff lakaet Wulff an amprest prevez-se da vezañ un amprest bank boutin<ref>« [http://www.lemonde.fr/europe/article/2011/12/13/une-affaire-de-pret-prive-destabilise-le-president-allemand_1617851_3214.html Une affaire de prêt privé déstabilise le président allemand] », Le Monde, 13 a viz Kerzu 2011</ref>. E penn-kentañ [[2012]] e voe kaoz eus an afer en-dro. Gant kazetennerien ''[[Bild]]'' e voe embannet e oa aet Wulff e darempred gant Friede Springer, (kenlodegez pennañ ''[[Axel Springer Verlag]]'') hag ivez gant prezidant kuzul-ren an embregerezh hag ar pennskrivagner evit ma chomfent hep embann titouroù nevez war an afer. Hervez tud ''[[Die Welt]]'', perc'hennet gant Springer ivez, en dije goulennet gant unan eus kazetennerien Die Welt dont d'un emgav e [[kastell Bellevue (Berlin)|kastell Bellevue]]<ref>« [http://www.leparisien.fr/international/allemagne-rattrape-par-les-affaires-le-president-risque-son-poste-03-01-2012-1794987.php Allemagne : rattrapé par les affaires, le président risque son poste] », Le Parisien, 3 a viz Genver 2012</ref>.