Romant : diforc'h etre ar stummoù

Ar '''romant'''où a zo [[skridoù]] [[faltazi]] e [[komz-plaen]], ha meur a [[ranndanevell]] enno. Savet e vez ar romantoù gant ar romantourien. Perzh ar c'homz-plaen a seblant bezañ an hini pouezusañ pa 'z eus oberennoù e komz-plaen berr a reer [[danevell]]où (kevellennoù a zo ur ger rouesoc'h) eus outo. Romantoù berr int, met lod a [[skridvarnerezh|skridvarnourien]] o deus klasket termeniñ reolennoù dibar a vije gant gennad an danevell. Ur gennad lennegezh gwall bleustret eo ar romant ken ez eus meur a seurt anezhañ. Isgennadoù pe gennadoù e-barzh ar gennad int (ar romant karantez, da skouer).

Bez e c'heller kavout romantoù ha n'int ket evel-se pa n'eus kalz a draoù ijinet en ur [[romant istorel]] pe pa vez lakaet e gwerzioù[[gwerzenn]]où ([[Eujen Onegin]] gant [[Aleksandr Pouchkin]]). Islinennet eo bet ivez gant ar skridvarnour [[rusia]]n [[Mic'hail Bac'htin]] e vez implijet meur a live yezh en ur romant (live uhel, live poblel, teknikel, lezennel hag all).

Kavet e vez gennad ar romant er bed a-bezh ha pa n'en deus ket gwir romantoù en [[Europa]] a-raok an [[12vet kantved]], savet o deus bet ar [[romant sinaek|Sinaiz]] hag ar [[romant japanek|Japaniz]] romantoù hir e kantvedoù kentañ ar maread kristen. Un afrikan, [[Lukius Apuleius Theseus]], en deus savet un hir a [[meurdanevellmeurzanevell]] e [[latin]], "an [[Treuzfurmadurioù]]" (anvet "an Azen aour" ivez) war-dro [[160]], kuit d'e oberenn bezañ e gwerzennoù, a zo gwelet evel diaroger an hengoun kornogel.

E [[Bro-C'hall]] e veze savet oberennoù ''romanice'' (e doare ar [[Henroma|Romaned]] = e latin ) e kreiz ar grennamzer. Pelloc'h e teuas ar ger da venegiñ oberennoù e galleg, ar re-se romantoù peurvuiañ. (Geriadur Albert Dauzat). An ""t brezhonek a seblant bezañ roudenn ar "c" latin.