Lombarded : diforc'h etre ar stummoù

[[ImageRestr:Lombard state 526.png|thumb|right|250px]]

[[ImageRestr:Alboin's Italy.svg|thumb|right|250px]]

Unan eus ar pobloù [[Germaned|german]] e oa al '''Lombarded''' pe ''Langobarded'' (''Langobardi'' en [[latin]], ha Lombardi war-lerc'h an VIIIvet kantved, nemet e kreisteiz Italia ma voe miret an anv Langobardi betek an XIIvet kantved).

== Istor ==

Er [[Iañ kantved|c’hentañ kantved]] e oant o vevañ e [[traoñienn]] ar [[stêr]] [[Elbe]], e [[hanternoz]] [[Alamagn]] hiziv. A orin e oant eus kreisteiz [[Lec'hlenn]] hervez o mojennoù meneget gant [[Paol Diagon]] en VIIIvet kantved.

Er [[IVe kantved]] e oa pobloù all o tont eus ar [[Reter|reter]] ha mont a reas al Lombarded war-zu ar [[kreisteiz|c’hreisteiz]]. Goude ur pennad en em ziazezjont e ''[[Pannonia]]'' hag e ''Noricum'' ([[Aostria]] hag [[Hungaria]] hiziv). Reiñ a reas an [[Impalaeriezh roman ar Reter|impalaer roman]] [[Justinianus Iañ]] an aotre dezho da chom eno e [[548]], evel ''foederati'' (pobl kevreet gant ar Romaned).

E [[568]], dindan ren o roue [[Alboin]], e voe treuzet an [[Alpoù]] ganto hag aloubiñ a rejont hanternoz [[Italia]]. Eno e voe savet ur [[rouantelezh]] ganto, hag e [[Pavia]] edo o c'hêr-benn.

Goude marv ar roue Alboin (war-dro [[570]]) e voe rannet o rouantelezh e [[36]] [[Dugelezh|dugelezh]]. Ne oa ket unvan bro al Lombarded ken ha gwanoc’h en em gavent evit talañ ouzh tagadennoù [[Bizantion]] en un tu pe re ar [[Franked]] en tu all.

Gant ar Pab e voe galvet ar [[Franked]] d'e sikour enep dezho, ha trec’h e voe ar Franked, renet gant [[Pepin Grenn]], war al Lombarded. Dont a reas ar Franked adarre, galvet gant ar Pab [[Adrian Iañ]], ha trec’h e voent adarre. Goude trec'het ar roue [[Dider Lombardia]], gant [[Karl Veur]] roue ar Franked, e voe roet d'an trec'hour kurunenn roue al Lombarded e [[Pavia]] e [[774]].

== Lombardia ==

[[SkeudennRestr:Iron Crown.JPG|thumb|left|Kurunenn rouaned al Lombarded]]