Arabed : diforc'h etre ar stummoù

An '''Arabed''' (عربي, ʻarabī en [[arabeg]]) zo ur bobl zo hec’h orin en [[Arabia]]. Ster ar ger, ha meizad ar '''bobl arab''' o deus cheñchet a-hed an amzer. Alies int bet, pe e vezont c’hoazh, kemmesket gant aduidi an [[Islam]], met bremañ ez eo gant ar yezh a gaozeont e vezont termenet peurliesañ ha n’eo ket gant ar relijion, ar sevenadur, an istor pe ar politikerezh.

 

Ar wrizienn a gaver er ger "arab" (-R-B) he deus meur a ster er [[yezhoù semitek]]: "kornôg", "dezerzh", "marc‘hadour", "bran". Marteze a-walc’h e teu ar ger "arab" eus an eil pe eben eus ar gwriziennoù-se.

 

An [[arabeg]], an elfenn bennañ da unaniñ an Arabed, zo ur [[yezhoù semitek|yezh semitek]], a veze kaozeet da gentañ e ledenez [[Arabia]]. Alese ez eo bet ledet e-touez meur a bobl o deus degemeret ar yezh-se da yezh kentañ pe da eil yezh ha dreist-holl da yezh ar relijion evit an holl [[Islam|vuzulmiz]] e kornôg Azia ha hanternoz Afrika. Ar re anezho o deus degemeret an arabeg da yezh kentañ, ha cheñchet yezh, a vez graet Arabed anezho bremañ. An arabekaat-se zo bet ur pezh kemm evito alies, a-fet sevenadur, ha c’hoarvezet eo pa oant o treiñ da [[Islam|vuzulmiz]] alies.

 

Gant emled an Islam adalek ar {{VIIvet kantved}} eo deuet an arabeg, yezh levr sakr ar relijion-se, ar [[Koran|C'horan]], da vezañ un doare [[lingua franca]] en-dro d'ar [[Mor Kreizdouar]]. A-raok e oa bet un emled kentañ eus an arabeg, en eil kantved, kaset war-raok gant kristenien.<ref>[http://www-personal.umich.edu/~andyf/hist_arab.html#Linguistic%20Situation%20in%20Pre-Islamic%20Middle%20East Ghassanids Arabic linguistic influence in Syria, Personal.umich.edu]</ref><ref>[http://www.witness-pioneer.org/vil/Books/SM_tsn/ch1s1.html Banu Judham migration, Witness-pioneer.org]</ref> aet eus ledenez [[Arabia]] war-zu an hanternoz ([[Siria]], [[Palestina]]). Etre 5% ha 10% eus an Arabed hiziv zo kristenien.

 

Hiziv en em led ar "bed arab" war un dachenn vras, tost da 14 000 000 km², etre ar [[Meurvor Atlantel]] er c'hornôg ha [[Mor Arabia]] er reter. Komzet e vez [[yezhoù arabek]] en holl vroioù-se gant 300 milion a dud.

<references />

 

 

[[Rummad:Pobloù]]

[[bs:Arapi]]

[[ca:Àrabs]]

[[cs:Arabové]]

[[cy:Arabiaid]]