Llywelyn ab Iorwerth : diforc'h etre ar stummoù

[[SkeudennRestr:LlywelynFawr.jpg|170px|thumb|'''Llywelyn Fawr'''. Delwenn e kêr [[Conwy]]. ]]

'''Llywelyn ab Iorwerth''', lesanvet '''Llywelyn Fawr''', pe ''Llywelyn Veur'' e brezhoneg (war-dro 1173–1240), a oa Priñs [[Gwynedd]] , hag a rene war an darn vrasañ eus Kembre . Tad-kozh eo da [[Llywelyn ap Gruffudd]], lesanvet [[Llywelyn Olaf]].

== E dud ==

Ganet e oa Llywelyn en [[1173]], e [[Dolwyddelan]] moarvat. Mab-bihan e oa da [[Owain Gwynedd]], ha mab da Iorwerth Drwyndwn, ha n'ouzer netra diwar e benn hag a c'hallje bezañ marvet pa oa bugelig Llywelyn. E vamm a oa Margaret, merc'h da [[Madog ap Maredudd]], priñs [[Powys]].

== Istor ==

E penn Gwynedd edo e eontred, [[Dafydd ab Owain Gwynedd]] ha [[Rhodri ab Owain Gwynedd]], met en [[1188]] e savas Llywelyn un arme, hag eñ [[krennard]] c'hoazh, da ober brezel d'e eontred. En [[1194]], e kavas skoazell digant e gendirvi, Gruffydd ha Mardudd ap Cynan, hag e voe trec'h war arme Dafydd en aber ar stêr [[Conwy]]. Rhodri a varvas en [[1195]]. Llywelyn a dapas Dafydd hag en harluas eus Gwynedd. En [[1199]] e kemeras kastell Mold.

[[ImageRestr:DolwyddelanCastle.jpg|right|280px|thumb|Dismantroù kastell Dolwiddelan]]

En [[1205]] e kreskas e vrud pa zimezas da [[Janed Bro-Saoz, priñsez Kembre|Janed Bro-Saoz]], merc'h bastard d'ar roue saoz [[Yann Dizouar]]. Kent se e oa bet o varc'hata gant ar pab [[Inosant III]] evit dimeziñ gant intañvez e eontr Rhodri, a oa merc'h da Reginald, roue [[Manav]]. Met pa gavas tro da gaout Janed e tilezas an intañvez.

En [[1212]] en em glevas gant rouaned all eus Kembre hag e teuas a-benn da adkemer e zouaroù kollet, war bouez nebeud. En [[1213]] e kemeras kestell [[Deganwy]] ha [[Rhuddlan]]. Emglev a eure gant ar varoned saoz o devoa rediet Yann da sinañ ar [[Magna Carta]]. Kemer a reas [[Shrewsbury]] en 1215. Er bloaz-se en-eeun e voe anvet [[Ednyfed Fychan]] da senesal Gwynedd hag e voe unan eus kenlabourerien Llywelyn.

En [[1234]] e voe un arsav-brezel daou vloaz etre [[Herri III (Bro-Saoz)|Herri III]] ha Llywelyn ha sinet feuremglev Middle. Llywelyn a zalc'has garda Cardigan ha Builth, ha bep bloaz e voe adsinet an emglev betek diwezh e ren.

== Kestell ==

Meur a gastell a voe savet gant Llywelyn, en o zouez hini [[Deganwy]] ha [[Castell y Bere]].

== Lennegezh kembraek ==

* [[Saunders Lewis]], ''[[Siwan]]''.

* [[Thomas Parry]], ''Llywelyn Fawr''.