Skited : diforc'h etre ar stummoù
Pajenn nevez : thumb|Krib skitat Ar Skited, ( en henc'hresianed οἱ Σκὐθαι / hoi Skúthai) a oa anezhe ur strollad pobladoù kantreat o doa bevet etre ar VIIvet ... |
(Disheñvelder ebet)
|
Stumm eus an 3 Meu 2007 da 00:23
Ar Skited, ( en henc'hresianed οἱ Σκὐθαι / hoi Skúthai) a oa anezhe ur strollad pobladoù kantreat o doa bevet etre ar VIIvet hag an trede kantvet kent J.-K. e stepennoù Eurazia. Derc'hel a raent un takad ec'hon etre ar pezh a anver hiziv Ukrania hag an Altai en ur dremen dra ar C'hazakstan. Graet e veze "Saka" eus ar pobloù-se gant ar Bersed ha "Sacae" gant ar Romaned. Meneget e oant bet evit ar wezh kentañ gant skridoù asirian adalek 641 pe 640 kent J.-K..
Anavezout a raer ar sevenadur skitat a-drugarez da skridoù Herodotos dreist-holl. Ur vammenn pinvidik-kenañ eo met gallout a rafe lakat unan da soñjal e oant diazezet en Europa dreist-holl. E gwirionez e oa bet ken pouzus all o levezon en Istor kreiz Azia. Evit o anavout gwelloc'h avat ne chom nemet dilerc'hioù arkeologel. Dre ma oant kantreidi n'o deus lezet ar Scited nemet bezioù ha "mein kirvi", reier engravet gant tresadennoù loened.
Hiziv e soñj ar skiantourien e komzent ur yezh indezek-hag-iranian, met tud zo, er metoù broadelour turkat dreist-holl a zalc'h da soñjal e komzent turkeg.