Aigisthos

Er vitologiezh c'hresian, Aigistos (en henc'hresianeg Αἴγισθος, Aigisthos) a oa mab Tiestes hag e verc'h Pelopea, eus tiegezh an Atreided.

Aigistos lazhet gant Orestes ha Pilades, oinokoe apulian he zresadennoù ruz, IVe kantved kent J.-K., Mirdi al Louvre

Mojenn

Pelopea, a oa bet gwallet gant Tiestes, a c'hanas anezhañ. Dilezel a reas anezhañ war-lerc'h gant ar vezh. Adkavet e voe gant mesaerien givri ha roet gante da Atreus, roue Argos ha Mikene, e eontr. Savet e voe gant hemañ evel e vab hep goût piv e oa.

An urzh a roas Atreus dezhañ da lazhañ Tiestes (e dad ha breur Atreus war un dro). Koulskoude, dres d'ar mare ma oa o vont da zrouklazhañ anezhañ e anavezas e dad. asambles e vuntront Atreus kent kemer e blas.

diwezhatoc'h, Agamemnon, hêr reizh an tron, a ro lamm da Diestes. Espern a ra buhez Aigistos avat. Tennañ a ra hemañ e vad eus dilec'h agamemnon da vrezel Troia evit desev e vaouez, ar rouanez Kklitaimnestra. Lazhañ a reont ar roue goude e zistro ha ren a reont war ar vro e-pad seizh vloaz kent bezañ muntret d'o zro gant Orestes, mab Agamemnon, bountet gant e c'hoar Elektra.

Mammennoù

Apollodore, Épitome [détail des éditions] [lire en ligne] (II, 14 ; VI, 23) ; Eschyle, Agamemnon [détail des éditions] [lire en ligne], Choéphores [détail des éditions] [lire en ligne] ; Euripide, Électre [détail des éditions] [lire en ligne] ; Les Retours [détail des éditions] [(en)lire en ligne] ; Sophocle, Électre [détail des éditions] [lire en ligne].